इभक्तपुर संवाददाताभक्तपुर, १८ फागुन
भक्तपुर, १८ फागुन नाच्न नजान्ने आगन टेड़ो भने झैँ भक्तपुरका उद्योगी व्यवसायीले मजदूरका कारण उद्योग व्यवसाय बन्द भएको भनेका छन । भक्तपुर उद्योग बाणिज्य संघका नवनिर्वाचित पदाधिकारीलाई बधाई दिन घरेलु तथा साना उद्योग संघले गरेको कार्यक्रममा उनीहरु मजदूर माथि खनिएका हुन् ।
देशमा रोजगारी नपाएर युवाहरु बिदेशिरहदा व्यवसायीहरुले भने मजदूर नपाएको दुखेसो गरे भने आफूहरुसंग भएका मजदूरहरु अल्छी भएको आरोप समेत लगाए ।
भक्तपुर उद्योग बाणिज्य संघका प्रथम उपाध्यक्ष प्रदीप श्रेष्ठले भने , ”मजदूर समस्याकै कारण सञ्चालनमा रहेका उद्योग न्यून हुँदै आएका छन ।” उनको कुरामा सहि थाप्दै भक्तपुर घरेलु तथा साना उद्योग संघका अध्यक्ष वीरेन्द्र जतीले भने ” गर्छन की भनेर विभिन्न तालीम दिए पनि युवा उद्योग व्यवसायमा काम गर्न उत्साहित छैनन् ।”