News Portal

  • थिमीको सडकमा गयो सुगमिखाको ज्यान : पोलमा ठोक्किएको प्रहरीको रिपोर्ट शंकाको घेरामा

    इभक्तपुर संवाददाताभक्तपुर, ३ चैत
    १२४४ पटक
    भक्तपुर, ३ चैत

    पुरानो थिमीमा सडक दुर्घटना हुँदा एक २२ बर्षे युवकले ज्यान गुमाएका छन । शुक्रवार साँझ दुर्घटना हुँदा स्कुटरमा सवार युवाको मृत्यु भएको हो ।

    मृत्यु हुनेमा भक्तपुर नपा. ३ खौमा बस्ने बर्ष २२ का सुशन सुगमिखा रहेका छन । पुरानो थिमीबाट निकोशेरातर्फ आउदै गरेको बा. ५५ प. १६४ नं. को स्कुटरमा सवार सुगमिखाको मथिनपा – ६ मा ज्यान गएको हो ।

    साँझ अन्दाजी ७ बजेको समयमा सुगमिखाले चलाएको स्कुटर अनियन्त्रित भई सडक छेउको विजुलीको पोलमा ठोकिन गई उक्त दुर्घटना भएको प्रहरीले जानकारी गराएको छ । दुर्घटनाबाट घाइते स्कुटर चालक सुगमिखाको मध्यपुर अस्पताल ठिमीमा उपचार हुन् नसकेपछि अन्दाजी ८ बजे त्रि.वि. शिक्षण अस्पताल महाराजगंन्ज रिफर गरिएको र शिक्षण अस्पतालले अन्दाजी ९:३० बजे उनलाई मृत घोषणा गरेको महानगरीय प्रहरी परिसर भक्तपुरका प्रवक्ता कृष्ण प्रसाइले बताए ।

    यता परिवारजन भने पोलमा ठोक्किएर मृत्यु भएको मान्न तयार देखिएका छैनन् । घटना लगत्तै एक अनलाइनले स्कुटरको फोटोसहित बसको ठक्करबाट गम्भीर घाइते भएको आसयको समाचार प्रस्तुत गरेकोले घटनाको सत्य तथ्य छानवीनको माग गरिएको छ ।

    केहि समय अगाडी चुनदेवीमा भएको एक सडक दुर्घटना पनि प्रहरीले दुइ मोटरसाइकल आपसमा जुधेर मृत्यु भएको निष्कर्ष निकालेको एक दुर्घटनाको प्रत्यक्षदर्शीले ट्रकको ठक्करबाट मृत्यु भएको दावी गरेका थिए ।

    साँझ र रातीको समयमा हुने दुर्घटनामा प्रहरीले हचुवाको भरमा रिपोर्ट बनाउने आरोप लाग्दै आएको छ । सवारी साधको रेकर्ड नहुने र सडकमा बत्ती र सीसी क्यामेराको व्यवस्था नहुने लगायतका कारण सत्यतथ्य पत्ता लगाउन समस्या परेपछि बिबाद नलम्ब्याउन प्रहरीले ‘हचुवा’ रिपोर्ट बनाउने गरेको प्रहरी अनुसन्धानप्रति असन्तुष्टहरुले आरोप लगाउने गरेका छन ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...