News Portal

  • आज विश्व क्षयरोग दिवस , प्रम ओली रास्ट्रिय क्षयरोग केन्द्र आउदै

    इभक्तपुर संवाददाताभक्तपुर, १० चैत
    ६४० पटक
    भक्तपुर, १० चैत

    आज मार्च २४ । विश्वभर क्षयरोग मुक्त विश्वका लागि नेतृत्वकर्ताहरुको आवश्यकता भन्ने मूल नाराका साथ विश्व क्षयरोग दिवस मनाइदै छ । नेपालमा पनि आज ‘सबै तहको सक्रिय नेतृत्वको प्रतिबद्धता , क्षयरोगमुक्त नेपालको सुनिश्चितता’ भन्ने नाराका साथ् यो दिवस मनाइदै छ ।

    राष्ट्रिय क्षयरोग केन्द्र भक्तपुरले नेपालमा क्षयरोगका बार्षिक ६० हजार बिरामी रहेको आकलन सार्वजनिक गरेको छ । केन्द्रले बिरामीहरु उपचार केन्द्रसम्म नआउने समस्याका कारण यसको निदानमा चुनौती थपिएको जानकारी समेत गराएको छ ।

    क्षयरोग माइक्रोब्याक्टेरीयम ट्युबरकुलोसिस नामक किटाणुका कारण लाग्ने एक प्रकारको संक्रामक रोग हो । नेपालमा हुने क्षयरोग मध्ये सबैभन्दा बढी ९० प्रतिशत फोक्सोको हुने गरेको र अन्यमा घाटीको ग्रन्थी, पाठेघर, पेट, कलेजो, मुटुको झिल्ली , मृगौला, मष्तिष्क र ढाडको हड्डी आदीकाे रहेको छ ।

    ३ हप्ता या त्यो भन्दा बढी समयदेखि लगातार खोकी लागेमा, खकारमा रगत देखिएमा, श्वास फेर्न गाह्रो या छाती भारी भइरहेमा, अकास्मात धेरै तौल घटेमा, पसिना आउने धेरै भएर थकान बढि महसुस भएमा क्षयरोगको परिक्षण गर्न केन्द्रले अनुरोध समेत गरेको छ ।
    नियमित औषधीको सेवन बाट यो रोग निको हुने र आफ्ना सम्पर्कमा आएर उपचार गराएका ९० % बिरामी निको भएका केन्द्रको दावी छ ।

    नेपाल सरकारले क्षयरोगको उपचारमा सन १९९६ देखि प्रभावकारी सेवा डट्स उपचार विधि सुरु गरेको छ । नेपालमा क्षयरोगको उपचारका लागि ४ जिल्लाबाट सुरु गरीएको यो सेवा अहिले देशभर ४३२१ डट सेवा केन्द्रहरुमा रहेका छन् ।

    आज ठिमीस्थित रास्ट्रिय क्षयरोग केन्द्र आएर नेपालमा क्षयरोगको अबस्था बारे प्रम केपी ओलीले जानकारी लिने कार्यक्रम तय भएको र उक्त अवसरमा प्रम ओलीबाट अस्पताल भवन समेत उद्घाटन गरिने केन्द्रका निर्देशकले जानकारी गराएका छन ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...