News Portal

  • एमालेले सुन तस्करी गरेको बिजुक्छेको बयान : भन्छन्,’यस्ता पार्टीको बिरोध नगरे के गर्ने ?”

    इभक्तपुर संवाददाताभक्तपुर, ११ चैत
    १४४७ पटक
    भक्तपुर, ११ चैत

    नेमकिपा अध्यक्ष नारायणमान बिजुक्छेले नेकपा एमालेको तस्करसंग साँठगाँठ हुने गरेको खुलासा गरेका छन् । एमाले नेताहरुले सुन तस्करसंग मिलेर पार्टी कार्यालय बनाएको आफुसंग स्वीकार गरेको खुलासा गर्दै अध्यक्ष बिजुक्छेले यस्ता दलले देश नबनाउने दावी गरे ।

    शनिवार जगातीको एक होटलमा भक्तपुर विद्युतीय सामाग्री व्यवसायी संघको बार्षिक साधारण सभा र चौथो अधिवेशनको उद्घाटन गर्दै उनले उक्त खुलासा गरेका हुन् ।

    बल्खुस्थित कार्यालय कसरी बन्यो भनेर आफुले जिज्ञासा राख्दा तत्कालिन एमाले महासचिवले बामदेव गौतमले बनाएको बताएका र उनीसंग सोध्दा सुन ब्यापारीले सहयोग गरेको सजिलो जवाफ पाएको भन्दै नेता बिजुक्छेले पछि हवाई अड्डाको अनुगमनमा पुगेको आफुहरुको टोलीले गृहमन्त्री रहेका बामदेव नै सुनको सीटमा बसेर तस्करीमा संलग्न पाएको दावी गरे ।

    अध्यक्ष बिजुक्छेले नेताहरुले अहिले लगाइरहेको समृद्धिको रटान पनि सुगा रटान मात्र भएको आरोप लगाएका छन । आर्थिक समृद्धि बोलेर होइन, योजना बनाएर मात्र आउने भन्दै बिजुक्छेले सरकारमा बस्नेहरु जनताको नभई उनको परिवार र पार्टीको मात्र समृद्धि तिर लागिपरेको जिकिर गरे ।

    ” उद्योग मन्त्री उद्योगहरुको भ्रमणमा निस्कन्छन र मोटो रकम असुली गर्छन । उद्योगलाई राम्रो गराउने भन्दा उनीहरुको ध्यान कति कमाउने भन्ने मात्र हुन्छ । ” उनले भने ।

    त्यतिमात्र होइन, नेता बिजुक्छेले संघियता पनि घातक हुन् सक्ने संकेत गरेका छन । ”अहिलेको प्रदेश जनप्रतिनिधिको हातमा सत्ता दिनु गाडी चलाउन नजान्नेको हातमा गाडीको साचो दिनु जस्तै हो । यसले अवश्य दुर्घटना निम्तिन सक्छ ।” उनले भने ।

    आफुहरुले ठुला दलहरुलाई जहिल्यै सचेत गराउदै आएको स्मरण गर्दै नेता बिजुक्छेले आफू र आफ्नो पार्टीलाई जहिल्यै विरोधीको रुपमा बुझ्नु नहुने जिकिर गरे । ”ठुला दल र सरकारको काम नै हेरिनसक्नु छ , अनि बिरोध नगरेर के गर्ने ?” उनले उल्टै प्रश्न गरे ।

    नेता बिजुक्छेले उक्त अवसरमा भक्तपुरका व्यवसायीले व्यवसायिक इमान्दारिता कायम राख्नुपर्ने भन्दै भक्तपुरका व्यवसायीबाट देशभरका व्यवसायीले नैतिकता र इमान्दारिता सिक्ने वातावरण बनाउन समेत आह्वान गरे ।

    कार्यक्रममा भक्तपुर नगरपालिका प्रमुख सुनिल प्रजापतिले व्यवसायीको एक रुपिया कर पनि हिनामिना नगरिने बिश्वास दिलाउदै नगरपालिकामा व्यवसाय दर्ता गर्न र कर तिर्न अनुरोध गरेका थिए भने भक्तपुर उद्योग वाणिज्य संघका अध्यक्ष रामप्रसाद प्रजापतिलगायत विभिन्न व्यवसायिक संघसस्थाका प्रतिनिधिले उद्योग व्यवसायमा राज्यको उचित आँखा नपुगेको गुनासो गरेका थिए ।

    अध्यक्ष श्याम प्रसाद मानन्धरको अध्यक्षतामा भएको उक्त कार्यक्रमको अवसरमा भक्तपुर विधुतीय सामाग्री व्यवसायी संघले विभिन्न व्यक्तिहरुलाई प्रसंसा पत्रद्वारा सम्मान समेत गरेको थियो ।

    यसैबीच अधिवेशनले पुण्यराम खाताखोको अध्यक्षतामा १३ सदस्यीय कार्य समिति सर्वसम्मत चयन गरेको नव निर्वाचित सह कोषाध्यक्ष अल्बर्ट बज्राचार्यले बताएका छन् । जसमा उपाध्यक्षमा ३ जना गंगाराम मानन्धर, माधवप्रसाद प्रजापति र रामगोपाल सुवाल रहेका छन भने महासचिवमा रुकेश रञ्जित, सचिवमा चन्द्रभक्त श्रेष्ठ, कोषाध्यक्षमा रामप्रसाद खर्बुजा र सहकोषाध्यक्षमा अल्बर्ट बज्राचार्य चयन भएका छन् ।

    त्यस्तै सदस्यहरुमा लक्ष्मीप्रसाद कोजू, श्यामसुन्दर नगरकोटी, श्याम दुवाल, शिवराम वैद्य र बुद्धिकुमार मुस्याख्व चयन भएको जानकारी प्राप्त भएको छ ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...