News Portal

  • सबै बस बन्द गर्ने भक्तपुरका व्यवसायीको धम्की : रुट परमिट खारेज गरिदिने सरकारको चेतावनी

    इभक्तपुर संवाददाताभक्तपुर, १९ चैत
    १४०२ पटक
    भक्तपुर, १९ चैत

    राजधानीको नाकैनिर बसेर सिन्डिकेटको समर्थन गर्ने भक्तपुरका व्यवसायीलाई सरकारले तह लगाउने भएको छ । सिन्डिकेट अन्त्य गराउने उदेश्यले यातायात व्यवस्था विभागले नयाँ निर्देशिका ल्याएको दिन बाटै अनिश्चित कालिन यातायात बन्द घोषणा गरेका भक्तपुरका यातायात व्यवसायी लाई सरकारले तह जगाउने भएको हो ।

    प्रधानमन्त्री केपी ओली , गृह मन्त्री राम बहादुर थापा र यातायात मन्त्री रघुबीर महासेठ नै सिन्डिकेटका कट्टर बिरोधी भएकोले सिन्डिकेटको समर्थनमा आन्दोलनरत व्यवसायीको रुट परमिट नै खारेज गर्नेसम्मको तयारी भएको बिभाग श्रोतले बतायो ।

    विभागले आइतवार ‘यातायात व्यवस्थापन कार्याविधि निर्देशिका, २०७४’ जारी गर्दै यातायात क्षेत्रमा रहेको सिण्डिकेटको अन्त्य गराएको हो । तर, भक्तपुरमा भने नयाँ बस सेवालाइ संचालनको अनुमति दिएको भन्दै आइतवारबाटै अनिश्चितकालिन यातायात बन्दको घोषणा गरिएको छ ।

    भक्तपुरमा साझा यातायात भित्राउदा बिरोध गरेका व्यवसायीले मयुर यातायातका बससमेत कुद्न थालेपछि बन्दको घोषणा गरेका हुन् । भक्तपुरको साघुरा र कच्ची सडकहरुमा चल्ने बसहरु आजदेखि अनिश्चितकालका लागि बन्द भएको भक्तपुर मिनिबस सेवा समितिले जनाएको छ ।

    एक दर्जन व्यवसायी समिति आबद्ध रहेको कोटेश्वरपूर्व यातायात समन्वय समितिको निर्णयबाट सेवा ठप्प पारिएको बताइएको छ । आन्दोलित समितिले चिल्ला बाटामा नाफा कमाउन नदिने भए बिग्रेका बाटामा गाडी नकुदाउने भन्दै आन्दोलनको बाटो समातेका हुन् ।

    नगरकोट, तेलकोट, दुवाकोट, बालकोट, सिरुटार, सिपाडोल, डोलेश्वर, चाँगुनारायण, झौखेल, छालिङ, ताँथलीलगायतका ग्रामिण रुटमा दिदै आएको बस सेवा आइतवारदेखि अनिश्चितकालका लागि ठप्प पारिएको हो ।

    सोमवार अरनिको राजमार्गमा समेत व्यवसायीको समितिको आह्वानमा बिहान ९ देखि १० बजेसम्म भक्तपुर खण्डमा सार्वजनिक यातायात चलेनन । चैत २१ गतेदेखि कोटेश्वरबाट अरनिको राजमार्ग भएर चल्ने सबै सार्वजनिक सवारी बन्द गर्ने समेत आन्दोलित यातायात व्यवसायीले धम्की दिएका छन् ।

    प्रतिकृया दिनुहोस्

    साझा मुद्राको अवधारणा बारे प्रस्ताव अघि सारेको गभर्नर अधिकारीको जिकिर

    नेपाल राष्ट्र बैंकका गभर्नर महाप्रसाद अधिकारीले दक्षिण एसियाको साझा मञ्चमा आफूले साझा मुद्राको अवधारणा बारे...

    प्रस्तावित ठाउँमै विमानस्थल बनाइने छःप्रधानमन्त्री देउवा

      प्रधानमन्त्री शेरबहादुर देउवाले कम क्षतिमा निजगढमै अन्तर्राष्ट्रिय विमानस्थल बनाउने बताएका छन्। उनले अहिले प्रस्तावित...

    सुचनाको हक र सकारात्मक सोच विषयक अन्तरक्रिया कार्यक्रम सम्पन्न

    आज (शनिबार) भक्तप्रको राधेराधे स्थित रोयल थाइ हस्पितालिटी होटलमा सुचनाको हक र सकारात्मक सोच विषयक...

    अनेसासको वरिष्ठ उपाध्यक्ष पदमा सुप्रसिद्ध कवि लालगोपाल सुवेदीको उम्मेद्वारी

    अन्तर्राष्ट्रि« नेपाली साहित्य समाज –अनेसास) को आगामी कार्यकाल २०२२–२०२४ का लाग साहित्यकार सुप्रसिद्ध तथा सर्वप्रिय...

    रवि लामिछानेको राष्ट्रिय स्वतन्त्र पार्टी आयोगमा दर्ता

    रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ । पूर्व सञ्चारकर्मी रवि...