News Portal

  • दिवंगत सांसद लामिछानेको परिवारलाई सरकारले सहयोग गर्ने

    नेपालवाल संवाददाताभक्तपुर, ७ जेठ
    २१६० पटक
    भक्तपुर, ७ जेठ

    भनिन्छ राजनितिमा पाउने भन्दा गुमाउने कुरा धेरै हुन्छ । यो भनाइ भक्तपुर १ ‘ख’बाट प्रदेश सभा सदस्य निर्वाचित भएर भर्खरै निधन भएका सान्सद हरिशरण लामिछानेको हकमा ठ्याक्कै लागु हुन्छ ।

    लामिछानेको बैशाख ३१ गते मस्तिस्कघातका कारण अल्पायूमै निधन भ​यो । राजनीतिमा लागेकै कारण उनको परिवारमा भौतिक सुखको सधै अभाव त भैरह्यो नै लामिछानेले लिएको ऋणको बोझले यतिबेला उनको परिवारलाई थप पिरोलिरहेको छ ।

    भूकम्पले भत्कीएको घर बनाउने आर्थिक हैसियत नहुदा टहरामै बस्दै आएका सांसद लामिछानेको नयाँ घरको सपना पूरा हुन त सकेन नै चुनावमा खर्च गर्न लिएको ऋणको भार पनि उनी परिवारलाई छोडेर बिदा भए । उनको श्रीमती १ छोरा र २ छोरी छन ।

    उनको निधनपछि उनको घरमा पुग्ने जो कोहीलाई आर्थिक अभावका बीच अवसान भएका हरिगुरुको झल्झली याद आउछ ।

    यसैबीच प्रधानमन्त्री केपी शर्मा ओलीले लामिछानेको परिवारलाई सरकारको तर्फबाट आर्थिक सहयोग गर्ने बताएका छन् । आइतवार लामिछाने निवास पुगेर भक्तपुर-२ का प्रतिनिधिसभा सदस्य महेश बस्नेतले सो कुराको जानकारी गराएका हुन् । उनले आफ्नो र नेकपाका युवाहरुको तर्फबाट आर्थिक सहयोग समेत हस्तान्तरण गरे । नेकपाका विघठित युवा संघका पूर्वअध्यक्ष द्वय निरु पाल र राजीव पहारी लगायत पनि लामिछाने निवास पुगेका थिए ।

    लामिछानेको परिवारलाई हालसम्म कूल रु ७ लाख आर्थिक सहयोग प्राप्त भएको बताइएको छ । लामिछाने परिवारको अवस्था देखेपछि घरमा समवेदना दिन जानेले अर्थ संकलन गरेर दिन थालेका छन् ।

    चाँगुनारायण नगरपालिका–६ तेलकोट घर भएका लामिछाने २०३९ सालदेखि कम्युनिष्ट राजनीतिमा सक्रिय थिए । भक्तपुर जिल्लामा उनले आफ्नो निष्ठा , त्याग र आदर्शलाई जीवित नै राखेर ५१ बर्षको उमेरमा बैशाख ३१ गते मृत्युसंग पराजित बन्न पुगे ।

    प्रतिकृया दिनुहोस्

    कर्मचारीहरु १०-५ मा सीमित नहुने भक्तपुरकी नयाँ सिडिओ शर्माको प्रतिवद्धता

    CDO rudra sharma

    भक्तपुरमा नयाँ कार्यभार सम्हालेकी प्रमुख जिल्ला अधिकारी (सिडिओ) रुद्रादेवी शर्माले कर्मचारीहरु १०-५ को ड्युटीमा सीमित...

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रम अन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...