News Portal

  • यार्सागुम्बा खोज्न डोल्पा पुगेका ३ जनाको लेक लागेर मृत्यु,एकको उद्दार

    ९३५ पटक

    डोल्पा – डोल्पामा यार्सागुम्वा संकलन गर्न गएका का ३ जनाको लेक लागेर मृत्यु भएको छ भने १ जनाको उद्धार गरिएको छ ।
    यार्सागुम्वा टिपेर कमाउला भनेर ठुलीभेरी नगरपालिका वडा नं. १० मा पर्ने ग्यालवारा पाटन पुगेका त्रिपुरासुन्दरी नगरपालिका १० लिकुका ३० वर्षिय नारायण प्रसाद पाहाडीको लेक लागेर विरामी भई दुनै तर्फ ल्याउदै गरेको बेला शनिबार माझबनमा मृत्यू भएको छ । डोल्पो बुद्ध गाउंपालिकाको धो ताक्सी पुगेका जाजरकोट नलगाड नगरपालिका वडा नं. ८ खगेनकोट का १५ वर्षिय भद्र बहादुर चनाराको लेक लागेर विरामी भए पछि उपचारका लागि दुनै तर्फ ल्याउदै गरेको बेला शनिवार राति डोल्पो बुद्ध गाउंपालिका २ मा पर्ने तोलतोल भन्ने ठाउँमा मृत्यु भएको प्रहरीले जानकारी दिएको छ ।

    त्यसै गरी काइके गाउंपालिकाको सुन्दरे शेर्पा आधारभुत विद्यालय टुप्पा ताराका शिक्षक शेरबहादुर राना झांक्रीको यार्सागुम्वा टिप्न ठांगे पाटन तर्फ जांदै गरेको बेला पाटन पुग्ने बेला शनिवार लेक लागेर मृत्यु भएको छ । लेक लागेर विरामी धो ताक्सी पाटनमा सिकिस्त विरामी परेका आठबीसकोट नगरपालिका १० रुकुमका हरिबहादुर शाहीको पूर्व गृहमन्त्री जनार्दन शर्माको पहलमा नेपाली सेनाको हेलिकोप्टरबाट उद्धार गरी उपचारका लागि नेपालगञ्ज पुर्याइएको जिल्ला प्रशासन कार्यालय डोल्पाले जनाएको छ ।

    विश्व कै उच्च मानव वस्ति मानिने धो ताक्सी ४ हजार २ सयको उचाईमा रहेको बस्ति हो । धो ताक्सी बस्ति भन्दा माथि उचाई भएका पाटनहरुमा यार्सागुम्वा पाइन्छ । डोल्पाका ताक्सी भन्दा उचाई रहेका दर्जनौ पाटनहरुमा यार्सा पाइन्छ । डोल्पाका ती यार्सागुम्वा पाइने सबै पाटनहरुमा यतिबेला हजारौं यार्चा संकलकहरु पुगेका छन् ।
    संचार समस्याका कारण कुन पाटनमा के के समस्या परेको छ । जानकारी आउन कठिन रहेको प्रहरीले जनाएको छ । र कुरा सानातिना स्वास्थ्य समस्यालाई समस्या नमान्ने र अन्तिम अवस्था आए पछि मात्र गुहार्ने परम्पराले उद्धारमा कठिनाई आउने गरेको अनुभव रहेको सहायक प्रमुख जिल्ला अधिकारी इन्द्रप्रसाद चापागाइले बताए ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...