News Portal

  • बारामा बबाल : अनिश्चितकालिन कलैया बन्द

    नेपालवाल संवाददाताबारा, १७ जेठ
    ८१३ पटक
    बारा, १७ जेठ

    कलैयामा व्यापारीहरुले बिहिवारदेखि अनिश्चितकालिन कलैया बन्दको घोषणा गरेका छन् । प्रहरीले व्यापारीमाथि ज्यादति गरेको आरोप लगाउदै उनीहरु आन्दोलनमा उत्रिएका हुन् ।

    बारा उद्योग वाणिज्य संघको नेतृत्वमा नै बन्द आह्वान भएपछी यतिबेला कलैया बजार सुनसान बनेको छ । बुधवार जिल्ला प्रहरी कार्यालयबाट खटिआएको प्रहरीको टोलीले कलैया उपमहानगरपालिका-१ स्थित मनिता एग्रो ईन्टरप्राईजेजमा छापा मारेपछि उनीहरु आक्रोशित भएका हुन् ।

    बिना ईजाजत प्रहरीले छापा मार्न नपाउने उनीहरुको जिकिर छ । आन्तरीक राजस्व कार्यालयको सहभागिता बिना आफै छापामार गरी प्रहरीले  पसलका सञ्चालक पवनकिशोर साहलाई नियन्त्रणमा लिन खोजेकाे व्यापारीहरुले प्रहरी माथि आरोप लगाएका छन् । उनीहरुले प्रहरीले शक्तिको गलत इस्तेमाल गर्न खोजेको दावी गरेका छन् ।

    ‘’राजस्व छलि गरेको वा गुणस्तरहिन समान बेचेको शंका लागेमा नियमानुसार आउनुपर्यो । आन्तरिक राजस्व कार्यालयले भनेपछि प्रहरी आउने हो तर यहाँ प्रहरीले दादागिरी देखाइरहेको छ , यो सहने कुरा होइन ।” बारा उद्योग बाणिज्य संघका अध्यक्ष बिनोद साहले बताए ।

    जिल्ला कृषि विकास कार्यालयका प्रतिनिधि,आन्तरिक राजस्वका कर्मचारीले राजस्व छली नभएको रिपोर्ट दिदादिदै पनि जिल्ला प्रहरी कार्यालय बाराकी एसपी मिरा चौधरीले व्यापारीमाथि दवाव सृजना गरेको र पसल खोल्न नदिएको भन्दै सबै ब्यापारी एकजुट भएर बन्दको बाटो लिनुपरेको ब्यापारीहरुको दावी छ ।

    पसल बन्द गरेर साँचो सिडियो कार्यालयमा बुझाउने बारा उद्योग वाणिज्य संघका अध्यक्ष बिनोद साहले बताएका छन् ।

    बारा जिल्लामा एसपी मिरा चौधरी गत महिना सरुवा भएर आएकी हुन् । हकी स्वभावकी मानिने चौधरी ब्यापारीहरुमाथि अनुदार देखिएकी छिन् । आफूले गलत नगरेको र तस्करी रोक्न लागिपरेको उनको जिकिर छ ।

    प्रतिकृया दिनुहोस्

    माओवादी केन्द्रका केन्द्रीय सदस्य एवं भक्तपुरका नेता ढकालले दिए पार्टीलाई ६ बुँदे सुझाव

    नेकपा (माओवादी केन्द्र) का केन्द्रीय सदस्य रहेका भक्तपुरका युवा नेता डिपी ढकालले पार्टी लाई ६...

    विश्वविद्यालयको पठनपाठनमा अवरोध हुने गतिविधि राम्रो होइनः शिक्षामन्त्री पौडेल

    शिक्षा, विज्ञान तथा प्रविधिमन्त्री देवेन्द्र पौडेलले विश्वविद्यालयहरूमा तालाबन्दी लगाउने काम हुन नदिन सरकार सचेत रहेको...

    भारतीय दूतावासका भारतीय सुरक्षा गार्डद्धारा आफैँलाई गोली हानी आत्महत्या

    काठमाडौँको लैनचौरस्थित भारतीय दूतावासमा कार्यरत भारतीय सुरक्षा गार्डले ड्युटी समयमै आफैँलाई गोली हानी आत्महत्या गरेका...

    एसपीपीमा संलग्न भएको प्रमाण देखाउन ओलीको माग

    नेकपा एमालेका अध्यक्ष केपी शर्मा ओलीले एसपीपीमा सहभागि हुने विषयमा सुशील कोइराला नेतृत्वकै सरकारले एसपीपीमा...

    इनफ इज इनफः केपी ओली

    नेकपा एमालेका अध्यक्ष केपी शर्मा ओलीले सत्तारूढ दलका नेताहरूलाई अमेरिकासँग भएको स्टेट पार्टनरशिप प्रोग्राम (एसपीपी)...