News Portal

  • भक्तपुरमा सूचनाको हक सम्बन्धी अन्तरक्रिया सम्पन्न : गोप्य लेखिएका छाप हुर्याइदिन अपिल

    नेपालवाल संवाददाताभक्तपुर, ७ असार
    १९५४ पटक
    भक्तपुर, ७ असार

    राष्ट्रिय सूचना आयोगका प्रमुख आयुक्त कृष्णहरि बाँस्कोटाले जनताको सूचना पाउने हकको सम्मान हुन् नसकेको बताएका छन् । गोपनियताको नाममा जनताले सहजै सूचना पाउन नसकेको जिकिर गर्दै बाँस्कोटाले गोप्य लेखिएका स्टाम्प हुर्याइदिन अपिल गरेका छन् ।

    बिहीवार नेपाल पत्रकार महासंघ जिल्ला शाखा भक्तपुरद्वारा दुधपाटीमा आयोजित सूचनाको हकसम्बन्धी अन्तरक्रियामा बोल्दै पूर्व सचिव समेत रहेका प्रमुख आयुक्त बाँस्कोटाले जनताको मानो खाएर बसेका सबैजना जनता प्रति जवाफदेयी हुनुपर्ने बताए । सार्वजनिक पदमा आसिन व्यक्तिहरुको व्यक्तिगत बाहेक पद र कार्यालयसंग सम्बन्धित कुनै पनि कुरा गोप्य नहुने उनको तर्क छ ।

    यदि अझै पनि कर्मचारीले गोप्यको छाप लगाएर सूचना लुकाउने र सहजै सूचना नदिने गरेमा उनीहरुलाई कारवाही गर्नुपर्नेमा बाँस्कोटाले जोड दिए ।

    उक्त अन्तरक्रिया कार्यक्रममा जिल्ला समन्वय समितिका प्रमुख नवराज गेलालले जिल्लास्थित कार्यालयहरुमा सूचनाको हकको सम्मान हुन् नसकेको स्वीकार गर्दै जनताले सजिलै सूचना पाउने बातावरण बनाउन आफूले पहल गर्ने प्रतिबद्धता प्रकट गरे ।

    कार्यक्रममा प्रमुख जिल्ला अधिकारी नारायणप्रसाद भट्टले सबै कार्यालयमा सूचना अधिकारी राख्ने र सूचना प्रवाह गर्ने व्यवस्था मिलाइने दावी गर्दै त्यसको अनुगमन गर्न सरोकारवाला संलग्न एक संयन्त्र बनाउने बताए ।

    पत्रकार महासंघ जिल्ला शाखा भक्तपुरका अध्यक्ष पुस्कर बुढाथोकीको अध्यक्षतामा संचालित अन्तरक्रिया कार्यक्रममा पत्रकार नारायण किलम्बु , सोम शर्मा बजगाइ लगायतले सूचनाको हक सम्बन्धी जिल्लाको अवस्था अवगत गराएका थिए ।

    जिल्लास्थित विभिन्न कार्यालयका कार्यालय प्रमुखहरुको उपस्थिति रहेको उक्त अन्तरक्रिया कार्यक्रममा जिल्लास्थित पत्रकार,सूचना अभियन्ता लगायतको उत्साहप्रद सहभागीता रहेको थियो ।  उक्त अवसरमा नेपाल पत्रकार महासंघ उपत्यका प्रदेशमा नवनिर्वाचित समावेशी सचिव अमर भुजु, सदस्यद्वय भगवती थापा र लक्ष्मी गारुलाई सम्मानसमेत गरिएको थियो ।

    प्रतिकृया दिनुहोस्

    भक्तपुरमा सरकारी जग्गा देखाइ बैना लिने २ पक्राउ

    bhaktapurpolice

    अरुको जग्गा मात्र नभई सरकारी जग्गा समेत देखाइ बिक्री गर्न बैना लिएको अभियोगमा दुईजना पक्राउ...

    ४ अग्रज जनपक्षीय पत्रकारहरु पुरस्कृत

    सहिद पत्रकार कृष्ण सेन ‘इच्छुक’ को २० औं स्मृति दिवसका अवसरमा प्रेस सेन्टर नेपाल सम्बद्ध...

    ‘माटो जोगाऔं’ अभियानमा भक्तपुरका मेयर र उपमेयरको ऐक्यवद्धता

    save soil

    ‘माटो जोगाऔं’ भन्ने बिश्वब्यापी अभियानमा भक्तपुर नगरपालिकाका मेयर र उपमेयरले पनि ऐक्यवद्धता जनाएका छन् ।...

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...