News Portal

  • पहिलोपटक राष्ट्रिय परीक्षा बोर्डले मनायो वार्षिकोत्सव : फोटो फिचर

    नेपालवाल संवाददाताभक्तपुर, १५ असार
    १७७६ पटक
    भक्तपुर, १५ असार

    राष्ट्रिय परीक्षा बोर्डले आफ्नो स्थापनाको तेश्रो वार्षिकोत्सव मनाएको छ । सानोठिमीस्थित बोर्डको सभाहलमा विशेष कार्यक्रमका बीच तेश्रो वार्षिकोत्सव मनाइएको हो ।

    तीन वर्ष पहिले आजैका दिन असार-१५ देखि लागू हुनेगरी तत्कालिन उच्च माध्यमिक शिक्षा परीषदको खारेजी र राष्ट्रिय परीक्षा बोर्ड स्थापना गर्ने नीतिगत व्यवस्था भएको शिक्षा ऐनको आठौ संसोधन संसदबाट स्वीकृत भएको थियो । त्यसैले असार-१५ लाइ बोर्डले वार्षिकोत्सवकोरुपमा मनाएको बताइएको छ ।

    यस अघि पहिलो र दोश्रो स्थापना दिवस भने मनाइएको थिएन । बोर्डको प्रथम अध्यक्षको रुपमा प्रा डा चन्द्रमणी पौडेल नियुक्त भएसंगै बोर्डले तेस्रो बर्षमा आफ्नो स्थापना दिवस मनायो ।

    तेश्रो बार्षिकोत्सव कार्यक्रममा प्रमुख अतिथिका रुपमा शिक्षा बिज्ञान तथा प्रविधि मन्त्री गिरिराजमणी पोखरेल निम्त्याइएका थिए । यस कार्यकालमा पहिलो पटक बोर्डमा पाइला टेकेका मन्त्री पोखरेलले आफ्नो अघिल्लो कार्यकालमा आफ्नै पहलमा बोर्डको जन्म भएकोले बर्थ डे मनाउन पाउदा खुशी लागेको बताएका थिए ।

    आफू मन्त्रीपरिषदको बैठक छोडेर पानसमा बत्ती बाल्न मात्र उपस्थित नभएको जिकिर गर्दै मन्त्री पोखरेलले लाखौ बिद्यार्थीहरुको भविष्यको बत्ती बाल्ने अभिभारा बोर्डले बोक्नुपर्ने बताए ।

    ”परीक्षा जस्तो बिषयमा खेलवाड सह्य हुदैन । ट्रेड युनियनबादको नाममा काममा हस्तक्षेप हुनुहुदैन ।” उनले भने । मन्त्री पोखरेलले परीक्षाको नतिजा लाखौ बिद्यार्थी र अभिभावकको मात्र होइन देशकै भविष्यसंग जोडिएकोमा जोड दिंदै यसमा गडबड नगर्न र जिम्मेवार बन्न समेत निर्देशन दिए ।

    उक्त अवसरमा मन्त्री पोखरेलले बोर्डको सम्बेदनशीलता र बिस्वसनियतामा आँच पुर्याए आफू देशको सबैभन्दा विस्वासिलो निकायलाई अनुसन्धानको लागि आग्रह गर्न बाध्य बन्ने चेतावनी समेत दिएका थिए ।

    कार्यक्रमको अध्यक्षता गरेका बोर्डका अध्यक्ष प्रा डा चन्द्रमणि पौडेलले सिकाइ मूल्यांकनको महत्वपूर्ण जिम्मेवारी पाएको परीक्षा बोर्ड आफ्नो जिम्मेवारीप्रति सजग, संवेदनशील र उत्तरदायी रहने प्रतिबद्धता प्रकट गरेका थिए । उनले भर्खरै प्रकाशित माध्यमिक शिक्षा उतीर्ण परीक्षा (एसइइ) को परीक्षाफल प्रकाशनमा गल्ती भएको स्वीकार गर्दै आफूहरुले गल्ती नलुकाएर गल्ती सच्याएकोमा स्यावासी दिनुको सट्टा शंका भएको भन्दै दुख व्यक्त गरे ।

    उनले परीक्षामा दायाँबायाँ नहुने दावी गर्दै यसलाई अझ विश्वसनीय बनाएर आगामी दिनमा अघि बढ्ने बताएका थिए ।

    उक्त अवसरमा बोर्डका उपाध्यक्षसमेत रहेका शिक्षा सचिव खगराज बराललगायत बोर्डका सदस्यहरु एवं कर्मचारीहरुको उपस्थिति रहेको थियो । कार्यक्रममा बोर्डका सदस्य सचिव दुर्गा अर्यालले बोर्डको पृष्ठभूमी , बर्तमान अवस्था , चुनौती र भावी कार्यदिशा बारे प्रकाश पारेका थिए भने सदस्य प्रा. अमोदा श्रेष्ठले १४ लाख बढी विद्यार्थीको परीक्षाको काम गर्न बोर्डमा ३ सय ४२ कर्मचारी मात्र भएको भन्दै कर्मचारी व्यवस्थापन गर्न गार्हो रहेको गुनासो गरीन् ।

    प्रतिकृया दिनुहोस्

    डाक्टर बास्काेटालाई टिएसके गाेल्डमेडल

    doctor asok baskota

    बि एण्ड बि अस्पताल तथा एचआर डिसी अस्पताल बनेपाका संस्थापक वरिष्ठ अर्थाेपेडिक सर्जन प्रोफेसर डाक्टर...

    भक्तपुरमा नि:शुल्क पानी र मास्क बाड्दै वाइसीएल

    dipshikha

    नेकपा(माओवादी केन्द्र) को सहायक संगठन योङ्ग कम्युनिष्ट लिग नेपाल(वाइसीएल-नेपाल) ले दशैमा उपत्यका बाहिर जाने यात्रीहरुलाई...

    भक्तपुरका पत्रकारले कालो पट्टी बाँधेर निर्वाचनको समाचार संकलन गर्ने

    fnj bhaktapur

    निर्वाचन आयोगले नेपाली सेना र प्रहरीबाट मिडिया अनुगमन गर्ने तयारी गरेपछि पत्रकारहरु विरोधमा उत्रिएका छन्...

    गठबन्धनबाट भक्तपुरको २ प्रदेश क्षेत्र माओवादी केन्द्रले पाउने सचिव पोख्रेलको खुलासा

    बागमती प्रदेश सभाका लागि भक्तपुरमा गठबन्धनबाट  माओवादी केन्द्रले उम्मेदवारी पाउने पार्टी सचिव लीलामणि पोख्रेलले खुलासा...

    दशैंमा सार्वजनिक यातायात ब्यवस्थापनका लागि भक्तपुरको विशेष योजना

    भक्तपुरमा सार्वजनिक यातायातलाई व्यवस्थित बनाउन गुनासो सुन्ने र समाधान गर्ने उदेश्यले यात्रु सहायता कक्ष संचालन...