News Portal

  • राजधानीसंगै जोडिएको ११४ वर्ष पुरानो भक्तपुर अस्पतालमा एम्बुलेन्स सेवा नहुनु दुखद् : यादव

    नेपालवाल संवाददाताभक्तपुर, १७ असार
    २२८६ पटक
    भक्तपुर, १७ असार

    उपप्रधान एवं स्वास्थ तथा जनसंख्या मन्त्री उपेन्द्र यादवले सरकार शिक्षा र स्वास्थ्यको क्षेत्रमा संबेदनशील रहेको दावी गरेका छन् । शिक्षा र स्वास्थ्यमा सरकारले राम्रो गरे बाँकी क्षेत्रमा जनता आफैले गर्न सक्ने बताउदै यादवले सरकार शिक्षा र स्वास्थ्यको क्षेत्रमा जिम्मेवार रहेको जिकिर गरेका हुन् ।

    आइतवार भक्तपुर अस्पतालको ११४ औं वार्षिकोत्सवको अवसरमा आयोजित कार्यक्रममा उपप्रधानमन्त्री यादवले शिक्षा र स्वास्थ्य देश बिकाशको मेरुदण्ड भएको बताए । उक्त अवसरमा उनले भक्तपुर अस्पताललाइ एम्बुलेन्स प्रदान गर्ने प्रतिबद्धता समेत प्रकट गरेका छन् ।

    ”राजधानी संगै जोडिएको देशकै पुरानोमध्यको भक्तपुर अस्पतालमा एम्बुलेन्स सेवा नहुनु पत्याउन नसकिने कुरा हो । यसले देशको स्वास्थ्य सेवाको दुरावस्था झल्काउछ । म यसै बर्ष यस अस्पताललाई एम्बुलेन्स दिलाउन प्रतिबद्ध छु ।” उपप्रधान एवं स्वास्थ तथा जनसंख्या मन्त्री यादवले भने ।

    उनले भक्तपुर अस्पतालमा आइसीयु सहित बिशेषज्ञ डाक्टरहरुको व्यवस्था मिलाउन आफुले पहल गर्ने समेत बताए । जनताको स्वास्थ्यप्रति संबेदनशील बन्न तथा सर्वसुलभ र स्तरीय सेवा प्रवाह गर्न निर्देशन दिएका यादवले अस्पतालले थप गरेको हाइ केयर कक्षको उद्घाटन समेत गरे ।

    कार्यक्रममा जिल्ला समन्वय समितिका प्रमुख नवराज गेलालले अस्पताल प्रशाशन पारदर्शी बन्न नसकेको आरोप लगाएका थिए भने भक्तपुर नगरपालिकाका मेयर सुनिल प्रजापतिले अस्पताललाई सुविधासम्पन्न बनाउन नगरपालिकाले सहयोग गर्ने आश्वासन दिए ।

    अस्पतालका अध्यक्ष प्रेमबहादुर खड्काको अध्यक्षतामा संचालित कार्यक्रममा प्रजिअ नारायणप्रसाद भट्ट, प्रहरी उपरीक्षक हिमालय कुमार श्रेष्ठ ,जिल्लास्थित बिभिन्न कार्यालयका प्रमुखहरु, अस्पतालका पूर्व अध्यक्ष शुरेश न्यौपाने लगायत अस्पताल संचालक समिति र कर्मचारीहरुको उपस्थिति रहेको थियो ।

    उक्त अवसरमा अस्पतालले नगद तथा प्रमाणपत्र द्वारा उत्कृष्ट कर्मचारीहरुलाई सम्मान समेत गरेको थियो ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...