परीक्षा दिएर विद्यालयबाट घर फर्किरहेका बिद्यार्थीहरुलाई बाढीले बगाएको छ । बाढी बगाएका एक किसोरीको मृत्यु भएको छ भने एक किसोर बेपता बनेका छन । दुइको भने स्थानीय र प्रहरीको सक्रियतामा उद्धार गरिएको छ ।
पर्सागढी नगरपालिका–४ स्थित फन्ती खोलामा आएको बाढीले उनीहरुलाई बगाएको थियो ।

बर्वाछटौली उच्च माध्यामिक बिद्यालयका बिध्यार्थीहरु सोमबार परीक्षा सकाएर घर फर्किने क्रममा उनीहरुलाई खोलाले बगाएको हो । खबर प्राप्त हुनासाथ खटिएको प्रहरी टोलीले २ को उद्धार गर्न सफल भयो । बाढीले बगाएका १५ वर्षीया संगीता चौरासियालाई र १५ वर्षीय सुमन पासवानलाई उद्धार गरिएको हो ।

सोही नगरपालिका–८ बस्ने १५ वर्षीया प्रतिमा रामको भने मृत्यु भएको प्रहरीले जनाएको छ । साथै सोही ठाउँ बस्ने १५ वर्षीय सुरेन्द्र महतो बेपत्ता भएका छन् ।