News Portal

  • सूर्यमण्डलको बाहिर नयाँ ग्रह

    काठमाडौँ, २० असोज
    ४७७ पटक
    काठमाडौँ, २० असोज

    एजेन्सी । खगोलविद्हरूले हाम्रो सूर्यमण्डलको बाहिर नयाँ ग्रह पत्ता लगाएका छन्। उक्त ग्रहले ४० हजार वर्षमा एकपटक सूर्यको परिक्रमा पूरा गर्छ।

    खगोलविद्हरूले उक्त ग्रहको नाम २०१५ ६एलएचएल ३८७ राखेका छन्। यो ग्रह सूर्यबाट करिब ८० खगोलीय यूनिट (एयू) को दूरीमा रहेको छ। सूर्य र पृथ्वीबीचको दूरीलाई खगोलीय यूनिट (एयू) भनिन्छ। हाम्रो पृथ्वीबाट प्लुटो करिब ३४ एयूको दूरीमा रहेको छ। उक्त नयाँ ग्रह सूर्यबाट प्लुटोको दूरीभन्दा अढाई गुणा टाढा रहेको छ।

    अमेरिकास्थित कार्नेगी इन्स्टीच्यूट फर साइन्सका अनुसन्धानकर्ताहरूले उक्त पिण्डको कक्ष निकै ठूलो रहेको बताएका छन्। यसैले उक्त ग्रह सूर्यको निकट कहिले पनि नआउने उनीहरूको भनाइ छ। यो विन्दुलाई ‘पेरिहेलियन’ भनिन्छ। हालसम्म पत्ता लगाइएका पिण्डहरूमध्ये २०१२ जेएलकेएल र सेडनाको पेरिहेलियन मात्रै नयाँ ग्रहभन्दा टाढा छन्। अर्थात् नयाँ ग्रह तेस्रो सर्वाधिक पेरिहेलियन दूरीवाला पिण्ड हो।

    यसको कक्षीय अर्धप्रमुख धुरी भने २०१२ जेएलकेएल र सेडनाभन्दा बढी छ। यसको मतलब ती दुई पिण्डभन्दा नयाँ पिण्ड सूर्यभन्दा निकै टाढा छ। गुरुत्वाकर्षणको प्रभावका कारण २०१५ ६एलएचएल ३८७ कहिले पनि हाम्रो सौरमण्डलका विशाल ग्रह नेप्चुन र बृहस्पतिको नजिक आएको छैन।

    कार्नेगी इन्स्टीच्यूट फर साइन्सका स्काट शेप्पर्डले भने, ‘सौरमण्डलको किनाराको बाहरी भागमा के भइरहेको भन्ने जान्न यस्ता पिण्डको अनुसन्धानबाट सहयोग मिल्छ।’

    प्रतिकृया दिनुहोस्

    एमालेसंग चुनाव चिह्न बाहेक केहि बाँकी छैन : दाहाल

    नेपाल कम्युनिष्ट पार्टी (माओवादी केन्द्र) का केन्द्रीय सदस्य एवं बागमती प्रदेश अध्यक्ष नारायण दाहालले नेकपा...

    खुशुको नेतृत्वमा अखिल(क्रान्तिकारी)को भक्तपुर नगर कमिटी निर्वाचित

    नेकपा (माओवादी केन्द्र)को विद्यार्थी संगठन अनेरास्ववियू(क्रान्तिकारी) ले भक्तपुर नगर कमिटी बिस्तार गरेको छ । रुकेश...

    भक्तपुर सिडिओमा शर्मा

    भक्तपुर जिल्लाको प्रमुख जिल्ला अधिकारी(सिडिओ)मा रुद्रा शर्माको सरुवा भएको छ । गृह मन्त्रालयले गुल्मी बाट...

    इन्द्रजात्रा मनाउन गुठि/समुदायसंग समन्वयकारी भूमिका रहन्छ- एसएसपी सिंह

    ऐतिहासिक राष्ट्रिय पर्व ‘इन्द्र जात्रा’ नजिकिदै गर्दा यस पटकको यो जात्रा कसरी सम्पन्न गर्ने भन्ने...

    सेलर्डले भक्तपुरका सञ्चारकर्मीलाई दरवारमा लगेर दियो तालिम

    बाल दिवसको अवसरमा भक्तपुरका सञ्चारकर्मीहरुका लागि मानव बेचबिखन तथा बाल संरक्षणबारे अभिमुखीकरण तालिम सम्पन्न भएको...