News Portal

  • सर्टिफिकेट अफ ओरिजिन अब अनलाइन प्रणालीबाट जारी

    ५०५ पटक

    काठमाडौँ, ४ साउन । नेपाल चेम्बर अफ कमर्शले उत्पत्तिको प्रमाणपत्र (सर्टिफिकेट अफ ओरिजिन) अब अनलाइन प्रणालीबाट जारी गर्ने व्यवस्था गरेको छ । चेम्बरमा शुक्रवार आयोजित कार्यक्रममा वाणिज्य तथा आपूर्ति सचिव केदारबहादुर अधिकारी र चेम्बर अध्यक्ष राजेशकाजी श्रेष्ठले अनलाइन प्रणालीको प्रारम्भिक शुभारम्भ गरे ।

    अनलाइनबाटै उत्पत्तिको प्रमाणपत्र जारी गर्ने व्यवस्था भएसँगै निकासी प्रर्वद्धनको क्षेत्र नयाँ युगमा प्रवेश गरेको छ । यससँगै निकासी व्यापार सहज, सरल, छिटो र झन्झटमुक्त हुने अपेक्षा गरिएको छ । यो व्यवस्था भदौ १ गतेदेखि पूर्णरूपमा लागू हुनेछ ।

    सो अवसरमा वाणिज्य तथा आपूर्ति सचिव अधिकारीले समय तथा श्रमको बचत तथा लागत कटौती हुँदा व्यापार विस्तारमा सहयोग पुग्ने बताए । नयाँ व्यवस्थासँगै निकासी सम्बन्धी सम्पूर्ण तथ्याङ्क स्पष्ट हुने उनको भनाइ थियो । सचिव अधिकारीले भने, “अब कति मूल्यमा कुन अवधिमा निकासी भयो भन्ने सम्पूर्ण तथ्याङ्क क्षण भरमा आउँछ ।”

    कार्यक्रममा चेम्बर अध्यक्ष श्रेष्ठले सरकारले घोषणा गरेको ‘डिजिटल नेपाल’को अवधारणाअनुरूप नै निकासी क्षेत्रमा अनलाइनबाटै उत्पत्तिको प्रमाणपत्र जारी गर्ने व्यवस्था समय सान्दर्भिक रहेको बताए ।

    यसैगरी नेपाल उद्योग वाणिज्य महासङ्घ र नेपाल उद्योग परिसङ्घले पनि अनलाइनबाटै उत्पत्तिको प्रमाणपत्र जारी गर्ने व्यवस्थाको अनौपचारिक प्रारम्भ गरिसकेका छन् ।

    प्रतिकृया दिनुहोस्

    भक्तपुर भयो जनघनत्वको आधारमा देशकै दोश्रो ठुलो जिल्ला

    जनघनत्वको आधारमा भक्तपुर देशकै दोश्रो ठुलो जिल्ला बन्न पुगेको छ । काठमाडौ पछि भक्तपुर जनघनत्वको...

    भक्तपुरको जनसङ्ख्या वृद्धिदर सबैभन्दा बढी

    bhaktapur post

    अघिल्लो जनगणनाको तुलनामा भक्तपुरको वार्षिक जनसङ्ख्या वृद्धिदर देशका ७७ जिल्लामध्ये सबैभन्दा बढी र रामेछापको वार्षिक...

    खुम्चियो एमाले

    राष्ट्रियसभा निर्वाचनमा सत्तागठबन्धनलाई फाइदा पुगेको छ । राष्ट्रियसभाका रिक्त १९ सिटमा भएको निर्वाचनमा सत्ता गठबन्धन...

    नेपालको जनसंख्या २ करोड ९१ लाख ९२ हजार ४ सय ८०

    census

    नेपालको जनसंख्या २ करोड ९१ लाख ९२ हजार ४ सय ८० पुगेको छ । केन्द्रीय...

    आईपीएल अक्सनमा नेपालका १५ खेलाडी

    इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा...