News Portal

  • परिसर तातेपछि जगाती वृत्त समेत जुवाडे विरुद्ध जाइलाग्यो : क्याफेलाई जुवाघर बनाउने ७ समातिए

    भक्तपुर, ४ साउन
    १४३७ पटक
    भक्तपुर, ४ साउन

    सूर्यविनायक नगरपालिका- ६ सूर्यविनायक स्थित एक क्याफेबाट तास खेलिरहेको अवस्थामा ७ जना पक्राउ परेका छन् । चिरन थापाले संचालन गरेको करण क्याफेबाट उनीहरु पक्राउ परेका हुन् ।

    क्याफेमा जुवाको रुपमा तास खेल्ने/खेलाउने गरेको बिशेष सुचनाको आधारमा शनिवार करीव ४ बजेको समयमा प्रहरीले छापा हान्दा तास खेलिरहेको अवस्थामा ७ जना पक्राउ परेका जानकारी प्राप्त भएको छ ।

    महानगरीय प्रहरी वृत्त जगातीबाट खटिएको प्रहरी टोलीले तास खेलिरहेको अवस्थामा नगद ७० हजार १ सय ९५ रुपिँया सहित उनीहरुलाई पक्राउ गरेको महानगरीय प्रहरी परिसर भक्तपुरका सूचना अधिकारी समेत रहेका डीएसपी रेवतीरमण पोखरेलले जानकारी गराए ।

    पोखरेलका अनुसार पक्राउ परेका सातैजना अहिले महानगरीय प्रहरी वृत्त जगातीमा राखिएका छन् र उनीहरु उपर आवश्यक अनुसन्धान भैरहेको छ ।

    महानगरीय प्रहरी वृत्तको क्षेत्र अन्तर्गत पर्ने सूर्यविनायकमा शुक्रवार महानगरीय प्रहरी परिसर भक्तपुरको विशेष टोलीले छापा हान्दा ठुला जुवाडे पक्राउ परेका थिए । प्रहरीले १ लाख ३३ हजार ३ सय ५० रुपैया नगद र ३४ लाख ३० हजार रकम बराबरको ६ थान बिभिन्न बैंकहरुको चेकसहित १० जनालाई नियन्त्रणमा लिन सफल भएको थियो ।

    परिसरकै संलग्नतामा यति धेरै जुवाडे समातिएपछि महानगरीय प्रहरी वृत्त जगातीले पनि आफ्नो संयन्त्र चुस्त बनाएको बताइएको छ । वृत्तलाई बाइपास गरेर सूचनादाताले परिसरमा सूचना दिन थालेपछि वृत्तको विश्वसनीयता माथि पनि प्रश्न उठ्न सक्ने भन्दै वृत्तलाई चलायमान गरिएको हुनसक्ने स्थानीयले अनुमान गरेका छन् । पछिल्लो समय जुवा तास खेल्ने / खेलाउनेहरुमाथि प्रहरीको नियन्त्रण कार्य स्वागतयोग्य भएको स्थानीय अगुवाहरु बताउछन ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...