News Portal

  • पारस चम्किएपछि जीत नेपालको पोल्टामा : कुवेत ७ विकेटले सजिलै पराजित

    भक्तपुर, ११ साउन
    ५३९ पटक
    भक्तपुर, ११ साउन

    आईसीसी टि-२० विश्वकप छनौट ( एसिया फाइनल  ) प्रतियोगिता अन्तर्गत नेपालले दोश्रो जित दर्ता गर्ने क्रममा कुवेतलाई ७ विकेटले सहजै पराजित गरेको छ।

    खेलमा पहिले ब्याटिंग गर्दै कुवेतले दिएको १४२ रनको लक्ष्य नेपालले ३ विकेट गुमाएर १५.५ ओभरमा पुरा गर्यो।

    पारसको आक्रामक अर्धशतक 

    लक्ष्य पछ्याउने क्रममा पहिलो विकेटको लागि पारस खड्का र ज्ञानेन्द्र मल्लले ४४ रनको साझेदारी गरे। मल्ल चौथो ओभरमा १९ रन बनाएर आउट भए जसले १३ बलमा २ चौका र १ छक्का प्रहार गरे।

    त्यसपछि पारस र शरद भेसावकरले साझेदारी गर्दै नेपाललाई जिततर्फ डोर्याए। यस क्रममा पारसले आफ्नो अर्धशतक पुरा गरे। टि-२० अन्तर्राष्ट्रिय क्रिकेटमा यो पारसको तेश्रो अर्धशतक हो। ३ वटा अर्धशतक बनाउने पारस एक्लो नेपाली खेलाडी हुन्। उनले २०१५ मा नेदरल्याण्डसंग पहिलो, यसै महिना मलेसियासंग दोश्रो अर्धशतक प्रहार गरेका थिए।

    SHARAD VESAWKAR, ROHIT PAUDEL

    अर्धशतक पुरा गरे पछि पारस १४ औं ओभरमा मुहम्मद कासिफको बलमा क्याच आउट भए। त्यस अघि उनले ४२ बलमा ११ चौका र १ छक्का प्रहार गरे। शरद र पारस बीच ७८ रनको साझेदारी गरे। पारस आउट भए लगत्तै दिपेन्द्र ऐरी ठुलो सट खेल्ने चक्करमा सोहि ओभरमा १ रन बनाएर क्याच आउट भए।

    त्यस पछि रोहित र शरदले नेपाललाई जितसम्म पुर्याए। शरदले अविजित ३८ रन बनाए जुन क्रममा ३० बलमा ४ चौका र १ छक्का प्रहार गरे। यस्तै रोहितले ७ बलमा १ चौका मदतले ६ रन बनाए।

    कुवेतको लागि ३ वटै विकेट मोहम्मद काशिफले लिए।

    बसन्त र सन्दिप उत्कृस्ट 

    सिंगापुर इन्डीएन एसोसीएसन मैदानमा टस जितेर नेपालले फिल्डिंग रोजेपछि ब्याटिंग गरेको कुवेतले २० ओभर ब्याटिंग गर्दै ९ विकेट गुमाएर १४१ रनको योगफल तयार गरेको थियो।

    नेपालको लागि दोश्रो ओभरमा करन केसीले ओपनर मित भास्करलाई क्याच आउट गराउदै पहिलो विकेट दिलाएका थिए। त्यसपछि अदनान इद्रेस र सान्दारुवानले दोश्रो विकेटको लागि ३१ रनको साझेदारी गरे। छैठौं ओभरमा बसन्त रेग्मीले १५ रन बनाएका सादारुवान र २५ रन बनाएका अदनानको विकेट लिंदै नेपाललाई खेलमा फर्काए।

    त्यसपछि १ चौका र १ छक्का मदतले १३ रन बनाएका बिलाल ताहिरलाई सन्दिप लामिछानेले नवौं ओभरमा आउट गरे। सोहि ओभरमा सन्दिपले उस्मान वाहिदलाई पनि खाता नखोल्दै एलबिडब्लु धरापमा पारे।

    BASANT REGMI

    ९ ओभरमा ६४/५ पुगेको कुवेत योगफललाई छैठौ विकेटको लागि मोहम्मद असलम र कप्तान मोहम्मद कासिफले अघि बढाए। १४ औं ओभरमा २३ रन बनाएका अस्लामलाई अविनाश बोहराले क्याच आउट गराए। लगत्तै ओभरमा सन्दिपले खाता नखोल्दै शिराज खानलाई बोल्ड गरे।

    त्यसपछि कुवेत कप्तान मुहम्मद कासिफले एक किनार सम्हालीरहे र अन्त्यमा आक्रामक इनिंग खेले। उनले अविजित ४९ रन बनाए जुन क्रममा ३६ बलमा ४ छक्का र २ चौका प्रहार गरे।

    यस क्रममा करन केसीले गरेको १९ औं ओभरको अन्तिम २ बलमा २ वटा छक्का तथा अविनाश बोहराले गरेको अन्तिम ओभरमा २ छक्का र १ चौका प्रहार गरे।

    नेपालको बलिंगमा सन्दिप लामिछाने र बसन्त रेग्मीले समान ३/३ विकेट लिए। बसन्तले ४ ओभरमा २० रन तथा सन्दिपले ४ ओभरमा २१ रन खर्चिए। यस्तै करन केसीले २ विकेट ( ४-०-४०-२ ) लिए। अविनाश बोहराले १ विकेट ( ४-०-३५-१ ) लिए।

    टि-२० अन्तर्राष्ट्रियमा सन्दिपको यो व्यक्तिगत उत्कृस्ट स्पेल हो। यस अघि उनले मलेसियासंग ३ विकेट लिएका थिए जुन क्रममा ४ ओभरमा २३ रन खर्चेका थिए। बसन्त रेग्मीले सन् २०१४ टि-२० विश्वकपमा लिएको ४ विकेट ( ४-०-१६-४ ) नेपाली बलरको टि-२० मा उत्कृस्ट स्पेल हो।

    आज ३ विकेट लिए संगै बसन्त रेग्मी नेपालको लागि टि-२० अन्तर्राष्ट्रियमा सर्वाधिक विकेट लिने बलर बनेका छन्। उनले १७ खेलमा २५ विकेट लिएका छन्। दोश्रो स्थानमा रहेका सोमपाललाई आज बसन्तले उछिनेका हुन्। सोमपालले २० खेलमा २३ विकेट रहको छ जो आज विकेट विहिन रहे। तेश्रो स्थानमा रहेका करन केसीको १७ तथा सन्दिप लामिछानेको १६ विकेट रहेको छ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...