News Portal

  • मङ्सिर १४ मा फेरि चुनाव : भक्तपुरमा पनि हुने

    भक्तपुर, १८ साउन
    १४३४ पटक
    भक्तपुर, १८ साउन

    लामो समयदेखि जनप्रतिनिधि विहीन बनेका निर्वाचन क्षेत्रहरुमा उप निर्वाचन गर्ने मिति तय भएको छ । निर्वाचन आयोगको बैठकले उप निर्वाचन गर्ने मिति तय गरेको हो ।

    निर्वाचन आयोगले ४ महिनाको अवधी राखेर उपनिर्वाचन गर्ने मिति सार्वजनिक गरेको छ । आयोगको शुक्रवार बसेको बैठकले मंसिर १४ गते उप निर्वाचन गर्ने निर्णय गरेको बताइएको छ ।

    प्रतिनिधिसभा, प्रदेश सभा र स्थानीय तहसम्म रिक्त रहेका सबै पदमा एकसाथ मंसिर १४ गते उप निर्वाचन गर्ने आयोगका प्रवक्ता शंकरप्रसाद खरेलले जनाए । प्रतिनिधिसभा, प्रदेशसभा र स्थानीय तहमा गरी ५० जना जननिर्वाचित पदाधिकारीकाे पद विभिन्न कारणले रिक्त छ ।

    विभिन्न ३७ जिल्लामा गरी प्रतिनिधि सभासदस्य १ , प्रदेश सभा सदस्य ३ उपमहानगरपालिका प्रमुख १, गाउँपालिका अध्यक्ष ३, गाउँपालिका उपाध्यक्ष १, गाउँपालिका तथा नगरपालिका वडाध्यक्ष ४१ सहित कुल ५० रिक्त स्थानका लागि उपनिर्वाचन हुने प्रवक्ता खरेलले जानकारी गराए ।

    तत्कालिन पर्यटन तथा नागरिक उड्डयनमन्त्री रवीन्द्र अधिकारीको निधन पछि कास्की क्षेत्र नम्बर २, प्रतिनिधिसभा सदस्यविहीन छ ।

    त्यसैगरी ,प्रदेश ३ अन्तर्गत भक्तपुर निर्वाचन क्षेत्र नम्बर १ ‘ख’ बाट निर्वाचित हरिशरण लामिछानेको निधनपछि प्रदेशसभा सदस्यको पद खाली छ भने गण्डकी प्रदेश अन्तर्गत बाग्लुङ क्षेत्र नम्बर २ ‘ख’ का सांसद टेकबहादुर घर्ती र प्रदेश पाँच अन्तर्गत दाङ क्षेत्र नम्बर ३ ‘ख’ बाट निर्वाचित प्रदेशसभा सदस्य उत्तरकुमार ओलीको निधनपछि ति स्थान पनि जनप्रतिनिधि विहीन बनेका छन ।

    विभिन्न ३७ जिल्लामा उपमहानगरपालिका प्रमुख १, गाउँपालिका अध्यक्ष ३, गाउँपालिका उपाध्यक्ष १, गाउँपालिका तथा नगरपालिका वडाध्यक्ष ४१ जना पनि रिक्त रहेका छन् ।

    प्रतिनिधिसभादेखि स्थानीय तहसम्म रिक्त रहेका यि विभिन्न ५० स्थानका लागि मंसिर १४ गते उप निर्वाचन गर्ने निर्वाचन आयोगले निर्णय गरेको हो ।

    भक्तपुरमा पनि आयो चुनाव

    निर्वाचन आयोगले रिक्त सबै स्थानमा निर्वाचन गर्ने निर्णय गरेसंगै भक्तपुरमा पनि उपनिर्वाचन हुने भएको छ । यहाँ निर्वाचन क्षेत्र नम्बर १ को प्रदेश नम्बर १( ख ) बाट निर्वाचित प्रदेश सभा सदस्य हरिशरण लामिछानेको रिक्त रहेको पदमा उप निर्वाचन हुने भएको हो ।

    गत वर्ष ३१ वैशाखमा उनको हृदयघातका कारण निधन भएपछि उनी निर्वाचित स्थान रिक्त रहदै आएको छ ।
    तत्कालिन नेकपा (एमाले )बाट उम्मेदवार बनेका लामिछाने १२ हजार ७ सय ८९ मतसहित प्रदेश सभा सदस्य निर्वाचित भएका थिए ।

    मङ्सिर १४ मा हुने उपनिर्वाचनका लागि फेरि यस क्षेत्रमा चुनावी रन्को शुरु हुने भएको छ ।

    प्रतिकृया दिनुहोस्

    भक्तपुरमा सरकारी जग्गा देखाइ बैना लिने २ पक्राउ

    bhaktapurpolice

    अरुको जग्गा मात्र नभई सरकारी जग्गा समेत देखाइ बिक्री गर्न बैना लिएको अभियोगमा दुईजना पक्राउ...

    ४ अग्रज जनपक्षीय पत्रकारहरु पुरस्कृत

    सहिद पत्रकार कृष्ण सेन ‘इच्छुक’ को २० औं स्मृति दिवसका अवसरमा प्रेस सेन्टर नेपाल सम्बद्ध...

    ‘माटो जोगाऔं’ अभियानमा भक्तपुरका मेयर र उपमेयरको ऐक्यवद्धता

    save soil

    ‘माटो जोगाऔं’ भन्ने बिश्वब्यापी अभियानमा भक्तपुर नगरपालिकाका मेयर र उपमेयरले पनि ऐक्यवद्धता जनाएका छन् ।...

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...