News Portal

  • ६ लेन सडकमा हरियाली अभियान शुरु : प्राणी उद्यानलाई पूर्णता दिने बन मन्त्रीको प्रतिवद्धता

    भक्तपुर, १८ साउन
    ९०७ पटक
    भक्तपुर, १८ साउन

    भक्तपुरको सूर्यविनायकदेखि मनोहरासम्मको सडकमा हरियाली प्रवर्द्धन अभियान आरम्भ भएको छ । उक्त ६ लेन सडकको बिच भागमा विरुवा र दुबो लगाएर हरियाली बनाउने अभियान सुरु भएको हो ।

    शनिवार हनुमन्ते नदी सफाई अभियानको ७५ औं हप्ताको विशेष कार्यक्रममा सूर्यविनायकको घलातेस्थित सडक क्षेत्रमा विरुवा र दुबो लगाएर बन तथा वातावरण मन्त्री शक्तिबहादुर बस्नेतले हरियाली प्रवर्द्धन अभियान शुरु गरेका हुन् । उक्त अभियानमा बन तथा वातावरण मन्त्रालयले १ करोड बजेट समेत उपलब्ध गराएको छ ।

    उक्त अवसरमा उपस्थित सभालाई सम्बोधन गर्दै मन्त्री बस्नेतले भक्तपुरको पर्यावरण जोगाइराख्न र यहाँको इतिहास, कला र सस्कृती हेर्न आउने पर्यटकलाई आकर्षित गर्न हरियाली प्रवर्द्धन अभियान उपयोगी हुने बताए ।

    नेपाल आउने सबै पर्यटकलाई भक्तपुर भित्राउन आवस्यक रहेको भन्दै मन्त्री बस्नेतले त्यसका लागि सुन्दर , सफा र हराभरा भक्तपुर बनाउन आफ्नो मन्त्रालयले सहयोग गर्ने प्रतिवद्धता प्रकट गरे । सूर्यविनायकमा निर्माणाधिन प्राणी उद्यानलाई पूर्णता दिन आफू अग्रसर रहेको जानकारी गराउदै उनले डिपिआर तयार भैसकेकाले छिट्टै पूर्णता पाउने जिकिर समेत गरे ।

    कार्यक्रममा बोल्दै प्रतिनिधि सभाका सांसद महेश बस्नेतले हनुमन्ते नदी सफाई अभियानले नदी सफ़ाइका अलावा विविध सृजनात्मक अभियान मार्फत भक्तपुरको विकाशलाई अगाडी बढाएको बताए । उनले राजनीतिमा प्रतिस्पर्धा भएपनि विकासमा एक्यवद्धता हुनुपर्नेमा जोड दिंदै हनुमन्ते नदी सफाई अभियानले मानिसहरुको मन पनि सफा गरिदिएको दावी गरे ।

    पूर्व उद्योग मन्त्रीसमेत रहेका सांसद बस्नेतले भक्तपुरमा प्रदुषणयुक्त इट्टा भट्टा बन्द गर्नुपर्ने धारणा समेत व्यक्त गरेका थिए ।

    सूर्यविनायक नगरपालिकाका प्रमुख वासुदेव थापाको अध्यक्षतामा सम्पन्न कार्यक्रममा हनुमन्ते नदी सफाई अभियानमा सरिक रहेका प्रहरी, सेना र अभियन्तालाई सम्मान समेत गरिएको थियो भने उक्त अवसरमा प्रदेश नं ३ की सांसद रजनी जोशी, मध्यपुरथिमि नगरपालिकाका उपप्रमुख अञ्जनादेवी मधिकर्मी, हनुमन्ते सफाई अभियानका अभियन्ता रुद्र पौडेल लगायतले अभियानको महत्व र औचित्वमाथि प्रकाश पारेका थिए । कार्यक्रममा प्रदेश सांसद प्रतिमा श्रेष्ठ, स्थानीय जनप्रतिनिधिहरु, सत्तारुढ नेकपाका नेताहरु, प्रमुख जिल्ला अधिकारी, बिभिन्न कार्यालयका प्रमुखहरु लगायत अन्य अभियन्ताहरुको उपस्थिति रहेको थियो ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...