News Portal

  • सरकारले भक्तपुरलाई पक्षपातपूर्ण व्यवहार गरेको नेमकिपा अध्यक्ष बिजुक्छेको आरोप

    भक्तपुर, २० साउन
    १०१२ पटक
    भक्तपुर, २० साउन

    नेपाल मजदुर किसान पार्टीका अध्यक्ष नारायणमान बिजुक्छे ‘रोहित’ले सरकार सबैको साझा हुन नसकेको आरोप लगाएका छन् । जुनसुकै सरकार पनि भक्तपुर भनेपछि पक्षपातको आखाँले हेर्ने उनको आरोप छ ।

    आइतवार भक्तपुरको ख्वप बहु–प्राविधिक अध्ययन संस्थानमा आयोजित शिक्षक–कर्मचारी भेलामा अध्यक्ष बिजुक्छेले सत्तासीन दलको स्वार्थ र पक्षपातपूर्ण व्यवहारको आफू भुक्तभोगी भएको जिकिर गरे । उनले दलीय स्वार्थ भन्दा माथि उठेर निस्वार्थ काम गर्ने सरकार बन्न नसक्नु बिडम्बना भएको बताए ।

    ख्वप नामक शैक्षिक संस्थाहरुको स्थापनाका लागि विगतमा गर्नुपरेको संघर्षको बेलीबिस्तार लगाउदै अध्यक्ष बिजुक्छेले भक्तपुरले दुख गरेर स्थापना गरेको सस्थालाई सबै मिलेर अझ सबल बनाउदै अघि बढ्नुपर्नेमा जोड दिए । उनले ख्वप देशमा उदाहारणीय शैक्षिक सस्थामा दर्ज हुन सफल भएपनि ख्वप विश्वविद्यालयलाई स्वीकृति नदिइएको प्रति आक्रोस व्यक्त गरे । सरकार आफू पनि गर्न नसक्ने र भक्तपुरले गर्छु भन्दा गर्न नदिने आरिसे स्वभावको भएको उनको आरोप छ ।

    प्रजग कोरियामा १ सय ११ जनाका लागि १ जना डाक्टर उपलब्ध रहेको स्मरण गर्दै उनले राज्य शिक्षाप्रति उदाशीन हुँदा नेपालमा शिक्षाको व्यापारीकरण भएको र शिक्षाको सहज पहुँच नहुँदा जनशक्ति अभाव भएको धारणा व्यक्त गरे । ”कम शुल्कमा मेडिकल शिक्षा प्रदान गर्ने ख्वप विश्वविद्यालयलाई स्वीकृति नदिनुबाट सत्तासीन दलको स्वार्थ, दलीय संकीर्णता र पक्षपातपूर्ण व्यवहार प्रष्ट हुन्छ ।” उनले भने ।

    उक्त अवसरमा आफ्नो मन्तब्य राख्दै भक्तपुर नगरपालिकाका प्रमुखसमेत रहेका ख्वप बहु–प्राविधिक अध्ययन संस्थान सञ्चालक समितिका अध्यक्ष सुनिल प्रजापतिले संस्थान भक्तपुरको शान भएकोले यसलाई अझ जनताको अधिकत्तम हितमा जोड्न क्रियाशील रहने प्रतिबद्धता प्रकट गरे । उनले यहाँका शिक्षक–कर्मचारीहरु अरुको तुलनामा अब्बल हुनुका साथै सेवाभावले ओतप्रोत रहनुपर्ने आवश्यकता औल्याए ।

    सस्थानलाई सवैले हेरिरहेकोले सांगठनिक नैतिकतालाई कायम राख्दै एक उदाहरण बन्न पर्नेमा उनको जोड रहेको छ । प्रमुख प्रजापतिले ख्वप नाम सुन्ने बित्तिकै संस्थाहरुलाई विभिन्न बहानामा दुःख दिइरहने प्रवित्तिबाट निरास नहुन र त्यसको कडा प्रतिवाद गर्न सम्पूर्ण शिक्षक–कर्मचारीहरुलाई प्रेरित गरेका थिए ।

    उक्त अवसरमा संस्थानका प्राचार्य डा. रत्नसुन्दर लासिवा त्यसैगरी अन्य शिक्षक–कर्मचारीहरुले सस्थानको अवस्था, समस्या र सम्भावनाबारे बोलेका थिए ।

    प्रतिकृया दिनुहोस्

    सानोठिमी क्याम्पसको प्राध्यापक संघमा प्राडा श्रेष्ठको नेतृत्वमा नयाँ कार्यसमिति

    त्रिभुवन विश्वविद्यालय प्राध्यापक संघको सानोठिमी क्याम्पस इकाई समितिले नयाँ नेतृत्व पाएको छ । प्राडा माधव...

    क्रिप्टोकरेन्सीलाई मान्यता पाउनुपर्ने माग गर्दै सर्वोच्चमा रिट दर्ता

      डिजिटल मुद्रा क्रिप्टोकरेन्सीलाई मान्यता पाउनुपर्ने माग राखी सर्वोच्च अदालतमा बिहीबार रिट निवेदन दर्ता भएको...

    नागरिकता विधेयक पास भए नेपालमा लेन्डुप दोर्जेहरुको जन्म हुन्छः प्रेम सुवाल

    नेपाल मजदुर किसान पार्टीका सांसद प्रेम सुवालले नागरिकता विधेयक पास गर्नु राष्ट्रघाती काम हुने बताएका...

    नागरिकता विधेयकबारे संसदमा चर्काचर्की

    राष्ट्रपति विद्यादेवी भण्डारीले फिर्ता पठाएको नागरिकता विधेयक सरकारले जस्ताको तस्तै पास गर्ने तयारी गरेपछि त्यसको...

    भेटाएको नागरिकता दुरुपयोग गरी ठगीगर्ने तीन जना पक्राउ

      भेटाएको नागरिकता दुरुपयोग गरी कम्पनी खोलेर ठगी कार्यमा संलग्न तीन जनालाई प्रहरीले पक्राउ गरेको...