News Portal

  • भावी प्रधानमन्त्रीबारे प्रधानमन्त्री ओली निकट मानिने सांसद बस्नेतले गरे नयाँ खुलासा

    भक्तपुर, २८ साउन
    ११८१ पटक
    भक्तपुर, २८ साउन

    प्रधानमन्त्री केपी ओली निकट मानिने नेकपाका केन्द्रिय सदस्य समेत रहेका सांसद महेश बस्नेतले सम्भावित प्रधानमन्त्रीबारे नयाँ खुलासा गरेका छन् । सांसद बस्नेतले नेकपाका प्रभावशाली नेता बामदेव गौतम प्रधानमन्त्री बन्नुपर्ने बताएका हुन् ।

    पत्रकार ऋषि धमलाको ‘जनता जान्न चाहन्छन’ नामक टेलिभिजन कार्यक्रममा सांसद बस्नेतले बामदेव गौतम प्रधानमन्त्री पदको लागि योग्य रहेको जिकिर गरे । नेकपाका अन्य शीर्ष नेताहरु प्रधानमन्त्री बनिसकेकाले अब गौतम प्रधानमन्त्री बन्ने पालो भएको नेकपाका केन्द्रिय सदस्य समेत रहेका नेता बस्नेतको दावी छ ।

    सत्तारुढ नेकपा भित्र भावी प्रधानमन्त्रीको विषयले बेलाबखत तरंग ल्याउने गर्दछ । पार्टी एकता हुँदा अध्यक्ष ओली र अर्का अध्यक्ष प्रचण्डबीच आलोपालो प्रधानमन्त्री बन्ने सहमति भएको कुरा सार्वजनिक भैसकेको छ । प्रधानमन्त्री तथा अध्यक्ष ओलीको भारत भ्रमणको क्रममा अर्का अध्यक्ष प्रचण्डले पत्रकार ऋषि धमलाको ‘जनता जान्न चाहन्छन’ कार्यक्रम मार्फत सहमती सार्वजनिक गरेपछि त्यसले राजनीतिमा ठूलो अर्थ राख्दै आएको देखिन्छ भने सोही कार्यक्रममा प्रधानमन्त्री ओलीले यस अघि नै आफू पदमा आसक्त नभएको अभिव्यक्ति सार्वजनिक गरिसकेका छन् ।

    प्रधानमन्त्री केपी शर्मा ओली सिंगापुरमा स्वास्थ्योपचार गराउन गएको मौकामा नेकपामा शिर्ष नेताहरुले उनका बिरुद्ध गुटबन्दी गरेका खबर चलिरहेको बेलामा प्रधानमन्त्री ओली निकट मानिने सांसद बस्नेतको बामदेवलाई मन्त्री बनाइनुपर्ने अभिव्यक्तिलाई अर्थपूर्ण रुपमा हेरिएको छ ।

    प्रधानमन्त्री केपी शर्मा ओली सिंगापुरमा स्वास्थ्योपचार गराएर सोमबार स्वदेश फिर्ता भएका छन् । सोमबार पूर्व मन्त्री समेत रहेका
    बस्नेतको अभिव्यक्ति बाहिरिनु र प्रधानमन्त्री ओलीलाई स्वागत गर्न नेकपाका नेता बामदेव गौतम बिमानस्थलमा देखिनु संयोग मात्र नभई नेकपा भित्रको सत्ताको खेल हुनसक्ने अनुमान गर्न सकिन्छ ।

    सांसद नरहेका गौतमलाई यस अघि प्रधानमन्त्री ओलीकै असन्तुष्टिका कारण सांसदको हल्ला चलाएर डिमोरलाइज गरिएको चर्चा हुने गरेको थियो । नेकपाका शक्तिशाली अध्यक्ष ओलीको साथ् पाएमा उनलाई सांसद हुन र प्रधानमन्त्री बन्न कसैले रोक्न सक्ने सामर्थ्य भने देखिदैन । गौतमको प्रस्ताव आएमा अर्का अध्यक्ष प्रचण्डलाई अस्वीकार गर्न नैतिक संकट आइपर्न सक्छ किनभने गौतम प्रचण्डका विश्वासपात्र पनि हुन् ।

    नेकपाका अध्यक्ष प्रचण्ड निकट एक नेताले भने गौतमको नाम अघि सारेर सहमती लम्ब्याउने अथवा आफ्नो पक्षमा माहोल बनाउने प्रधानमन्त्री ओलीको योजना हुन सक्ने आसंका व्यक्त गरे । उनले पार्टीमा यो विषयमा कुनै कुरा नचलेको भक्तपुर पोस्टलाई बताए ।

    प्रतिकृया दिनुहोस्

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...