News Portal

  • भक्तपुरस्थित क्यान्सर अस्पताल आर्थिक भ्रष्टाचारको अखडा भएको आरोप, नछोड्ने मेयरको चेतावनी

    भक्तपुर, २९ साउन
    ८२३ पटक
    भक्तपुर, २९ साउन

    भक्तपुरस्थित क्यान्सर अस्पताल आर्थिक भ्रष्टाचारको अखडा भएको आरोप लागेको छ । उक्त आरोप लगाउदै भक्तपुरका स्थानीयले भक्तपुर नगरपालिका लाइ ध्यानाकर्षण गराएका छन् ।

    वडा नं. १ देखि १० सम्मका वडाबासीहरुको प्रतिनिधित्व रहेको एक टोलीले बुधवार भक्तपुर नगरपालिकाका प्रमुख सुनिल प्रजापतिलाई ध्यानाकर्षण गराउँदै ज्ञापनपत्र बुझाएको हो । ज्ञापनपत्रमा अस्पतालको भ्रष्टाचार रोकी सेवामुखी अस्पताल बनाउनु पर्ने लगायतका माग गरिएको छ ।

    ज्ञापनपत्र बुझ्दै प्रमुख प्रजापतिले भक्तपुर क्यान्सर अस्पतालको स्थापनाकालदेखि भक्तपुर नगरपालिका अस्पताल व्यवस्थापन समितिको सदस्य भए पनि कुनै पनि बैठकमा नगरपालिकालाई सामेल नगराइएको कारण नगरपालिकाले त्यहाँ सुधार गर्न नसकेको जानकारी गराएका थिए ।

    उनले उक्त क्यान्सर अस्पताल कुनै निजी व्यक्तिले खोलेको नभई सार्वजनिक हितमा स्थापना भएको र त्यसका लागि नगरपालिकाको तर्फबाट जग्गा प्रदान गरिएको अवगत गराउँदै नगरबासीहरुको न्यायोचित मागप्रति आफ्नो गम्भीर ध्यानाकर्षण भएको बताए ।

    त्यस लगत्तै नगर प्रमुखको नेतृत्वमा जनप्रतिनिधिहरुसहितको टोली भक्तपुर क्यान्सर अस्पताल दुधपाटीमा स्थलगत निरीक्षन्को लागि पुगेको थियो । नगर प्रमुखको निजि सचिवालयले जनाए अनुसार पटक पटक फोन सम्पर्क गर्दा पनि अस्पताल व्यवस्थापन समितिका कुनै पनि पदाधिकारीहरु सम्पर्कमा नआएपछि प्रमुख प्रजापतिले अस्पतालका मेडिकल डाइरेक्टर ऋषिकेश नारायण श्रेष्ठसँग छलफल गरेका थिए ।

    मेडिकल डाइरेक्टर ऋषिकेश नारायण श्रेष्ठले समेत भक्तपुर क्यान्सर अस्पतालमा भएको आर्थिक अनियमिता र भ्रष्टाचारजस्ता कुरा सञ्चारमाध्यममा पनि आएको हुँदा त्यसको सत्यतथ्य छानबिन गरीदिन अनुरोध गरेका थिए ।

    उक्त अवसरमा जनताको गुनासो आउनु दुखद भएको भन्दै प्रमुख प्रजापतिले अस्पताललाई व्यवस्थित रुपमा सञ्चालन गर्न तथा बिरामीको उपचारमा ध्यान दिन निर्देशन दिए। उनले राम्रो सेवा दिए नगरपालिकाले सहयोग गर्ने तर नराम्रो गर्नेलाई नछाड्ने समेत चेतावनी दिएका थिए ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...