News Portal

  • विरुवा नरोप्ने घरले सूर्यविनायक नगरपालिकाबाट सेवा नपाउने

    भक्तपुर, ३ भदौ
    १७८७ पटक
    भक्तपुर, ३ भदौ

    हनुमन्ते नदी सफाई अभियान चलाइरहेको सूर्यविनायक नगरपालिकाले हरियाली प्रवर्द्धन योजना अघि सारेको छ ।

    वृक्षारोपण गर्ने तर त्यसको संरक्षण नहुने भएपछि नगरपालिकाले व्यक्तिगत अथवा सस्थागत जिम्मेवारीमा वृक्षारोपण अभियान मार्फत हरियाली प्रवर्द्धन योजना अघि सारेको हो ।

    नगरपालिकाले एक नीति नै पारित गरि सार्वजनिक स्थल र सडकछेउ रोपिने बिरुवालाई व्यक्तिगत अथवा सस्थागत नाम दिन सकिने जनाएको छ । विरुवा रोप्नेले हुर्काउने दायित्व पनि लिउन भन्ने उदेश्यले जो व्यक्ति अथवा सस्थाले विरुवा रोप्छ त्यस विरुवालाई उही व्यक्ति अथवा सस्थाले चाहेअनुसार नाम दिन सक्ने नीति पारित भएको नगरपालिकाको भनाइ छ । सूर्यविनायक नगरपालिकाले नगरसभाबाट यो नीति पारित गरेको बताइएको छ ।

    सूर्यविनायक नगरपालिकाकी उपप्रमुख जुना बस्नेतले उक्त कुरा पुष्टि गर्दै अहिले पहिलो चरणमा कौशलटार, बालकोट, सिरुटार सडकमा विरुवा रोप्ने कार्य भएको बताइन । बस्नेतले अब बन्ने नगर क्षेत्रका सबै सडकमा स्थानीयलाई विरुवा रोप्न र संरक्षण गर्न आकर्षित गर्ने उदेश्यले नगरपालिकाले नयाँ नीति ल्याएको जानकारी गराइन । स्थानीयको अपनत्वमा वृक्षारोपण गर्ने नीति ल्याएको उनको जिकिर छ ।

    उनका अनुसार नगरपालिकाले वृक्षारोपणलाई ऐच्छिक विषय मात्र नभई अनिवार्य समेत बनाएको छ । अब हरेक नक्सा पास गर्ने घरले अनिवार्य २ वटा विरुवा रोप्न र हुर्काउन पर्ने व्यवस्था गरिएको उपप्रमुख बस्नेतले बताइन । बस्नेतले निर्माण सम्पन्न भैसकेका घरहरुलाई पनि अनिवार्य वृक्षारोपण गर्नुपर्ने व्यवस्था भएको अन्यथा नगरपालिकाले दिने सेवा उपलब्ध नगराउने नीति रहेको पनि स्पष्ट पारिन ।

    मंगलवार भक्तपुर पोस्ट संग कुरा गर्दै नगर उपप्रमुख बस्नेतले स्वस्थ जीवनको लागि स्वच्छ वातावरण आवस्यक भएको भन्दै त्यसको लागि सबै नगरबासीको साथ् रहने विस्वास व्यक्त गरिन् । स्थानीय सरकारका जनप्रतिनिधिको कार्यकाल अझै २ वर्ष १० महिना रहेको भन्दै यो अवधीमा स्थानीयको चाहना बमोजिम स्थानीय सहभागीतामा जोड दिदै विकास र सम्वृद्धिको बाटोमा सूर्यविनायक अघि बढ्ने उनको दावी छ ।

    प्रतिकृया दिनुहोस्

    अनेसासलाई अनेसास नै बनाउने प्रतिबद्धतासहित उत्रिएका तीन उम्मेद्वार

    लामो समयदेखि साहित्य र अनेसासमा आफूलाई समर्पित गर्दै आएका तीन हस्तीः अध्यक्षका उम्मेद्वार गोवर्धन पूजा,...

    रामेछाप बस दुर्घटनाः मृत्यु हुनेको संख्या १३ पुग्यो

    रामेछापमा भएको बस दुर्घटनामा मृत्यु हुनेको संख्या १३ पुगेको छ । घटनास्थलमा ९ जना र...

    भक्तपुरका ५३८ उम्मेद्वारले बुझाए निर्वाचन खर्च विवरण

    गत वैशाख ३० गते सम्पन्न स्थानीय तहको निर्वाचनमा भक्तपुरका विभिन्न चारवटा स्थानीय तहमा उम्मेदवार बनेकामध्ये...

    अर्थमन्त्री प्रकरणबारे प्रचण्डले प्रधानमन्त्री र सभामुखसँग छलफल गर्ने

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले विवादित अर्थमन्त्री जनार्दन शर्माको विवाद समाधानका लागि...

    काठमाण्डौ उपत्यकाको सुरक्षाको जिम्मा सङ्घीय प्रहरीलाई

    गृहमन्त्री बालकृष्ण खाणले बढ्दो सुरक्षा संवेदनशीलतालाई ध्यानमा राखेर सरकारले काठमाण्डौ उपत्यकाको सुरक्षाको जिम्मा सङ्घीय प्रहरीलाई...