News Portal

  • आफ्नै श्रीमतीलाई जबर्जस्ती करणी गरेको आरोपमा अनुसन्धान गर्दै भक्तपुर प्रहरी

    भक्तपुर, ६ भदाै
    १८२५ पटक
    भक्तपुर, ६ भदाै

    आफ्नै श्रीमतीलाई जबर्जस्ती करणी गरेको आरोपमा भक्तपुर प्रहरीले एक पुरुषमाथि अनुसन्धान थालेको छ । श्रीमतीको इच्छा विपरीत जबर्जस्ती करणी गरेको उजुरी परेपछि उनीमाथि अनुसन्धान थालिएको हो ।

    भक्तपुर जिल्ला बाहिर घर भै हाल चाँगुनारायण नगरपालिका भित्र अस्थायी बसोबास गर्दै आएका अन्दाजी ३० वर्षिय पुरुषमाथि आफ्नै श्रीमतीलाई बलात्कार गरेको आरोपमा अनुसन्धान भैरहेको महानगरीय प्रहरी परिसर भक्तपुरले पुष्टि गरेको छ । उनको करिब २५ वर्षिया श्रीमतीले जबर्जस्ती करणी गरेको उजुरी दिएपछि पीडक पुरुषलाई नियन्त्रणमा लिई अनुसन्धान भैरहेको प्रहरीको भनाइ छ । उनी प्रहरीले पक्राउ गर्नु अघि नै स्वयम् परिसर आएर प्रहरीको नियन्त्रणमा रहेका एक प्रहरी अधिकृतले भक्तपुर पोस्टलाई बताए ।

    बिबाहको एक दशक बितिसकेको उक्त जोडीको एक सन्तान समेत रहेको बताइएको छ । आफू बिरामी रहेको बेला लोग्नेले बलात्कार गरेको उजुरीमा आरोप लगाइएको छ । पीडक भनिएका पुरुषले भने आफूले जबर्जस्ती करणी नगरेको जिकिर गरेका छन् । आफ्नो घरायसी झगडा रहेको र श्रीमतीले पटक पटक आफूसंग डिभोर्स माग्दा पनि नदिएकोले उक्त आरोप लगाइएको उनको दावी छ ।

    घटनाको अनुसन्धान भैरहेको महानगरीय प्रहरी परिसर भक्तपुरले जनाएको छ ।

    यौन सम्बन्धमा दुवै पक्षको सहमति चाहिन्छ । एक पक्षको सहमति छैन भने त्यहाँ हिंसा हुन्छ । यस्तो हिंसालाई फौजदारी कानूनले अपराधको रुपमा परिभाषा गरी पर्याप्त सजायको व्यवस्था समेत गरिदिएको छ । नेपालको विद्यमान कानूनले महिलाको यौनिक अधिकारलाइ सुनिश्चित गर्दै आफ्नै श्रीमती भएपनि उनको इच्छा विपरित गरिने करणीलाई बलात्कार मानेको छ र पीडक श्रीमान्लाई बलात्कारी मानि सजायको भागीदार बनाएको छ ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...