भक्तपुर, १४ भदौ लिग चरणको अन्तिम खेलमा भुटानलाई ६-० ले पराजित गर्दै भारतमा जारी अन्डर-१५ पुरुष साफ फुटबल च्याम्पियनसिपको फाइनलमा प्रवेश गरेको नेपाल निरास बनेको छ । फाइनलमा भारतसंग नेपालले लज्जास्पद हार व्यहोरेको हो ।
शनिवार भएको फाइनल खेलमा भारतले नेपालविरुद्ध ७–० को शानदार जित हात पार्यो । नेपाल लिग चरणको पहिलो खेलमा पनि भारतसँग ५–० गोल अन्तरले पराजित भएको थियो । त्यसयताका सबै खेल जितेको नेपालले भारतसंग बदला लिने अवसर पाएपनि कामयाब हुन् सकेन ।
रोउण्ड रोविन लिगका आधारमा नेपाल र भारत फाईनल प्रवेश गरेका थिए ।
साफ यू–१५ को उपाधि जित्ने नेपालको सपना यसपटक पनि पूरा हुन सकेन । पहिलो हाफमा ३ गोल खाएको नेपालले दोश्रो हाफमा थप ४ गोल खाइ लज्जास्पद हार सहित दोश्रो स्थानमा चित्त बुझाउन बाध्य बन्यो ।
यस प्रतियोगिताको उद्घाटन खेलमा भारतसंग ५-० गोल अन्तरको हार बेहोरेपछि नेपालले लगातार ३ खेलमा जित हाँसिल गरेको थियो । यस क्रममा नेपालले श्रीलंकालाई २-० गोल अन्तरले, बंगलादेशलाई ४-१ गोल अन्तरले र भुटानलाई ६ -० गोल अन्तरले पराजित गरेको थियो ।