News Portal

  • ललिता निवास किनबेच प्रकरणमा अख्तियारले ५८ जनालाई बोलायो : भक्तपुरका पनि २ जना परे

    भक्तपुर, १८ भदौ
    १९१३ पटक
    भक्तपुर, १८ भदौ

    बालुवाटारस्थित चर्चित ललिता निवासको जग्गा किनबेच प्रकरणबारे अख्तियार दुरुपयोग अनुसन्धान आयोगले अनुसन्धान गर्ने भएको छ । आयोगले उक्त सम्बन्धमा सोधपुछ गर्न ५८ जनालाई बोलाएको छ ।

    बुधवार सार्वजनिक सूचना मार्फत आयोगले ५८ जनाको सूची सार्वजनिक गर्दै ७ दिन भित्र अख्तियारमा हाजिर हुन भनेको हो ।

    बयानका लागि हाजिर हुन बोलाइएका मध्ये दुई जना गुठी संस्थानका तत्कालिन कर्मचारी हुन् भने अरु दुई जनाको विवरण खुलाइएको छैन । यस प्रकरणका चर्चामा रहेका सत्तारुढ दल नेकपाका महासचिव बिष्णु पौडेलको नाम भने समावेस गरिएको छैन ।

    अख्तियारले ७ दिने म्याद दिंदै सोधपुछका लागि बोलाएको सूचीमा भक्तपुरका पनि २ जनाको नाम समावेश भएको छ । काठमाडौ बस्ने भक्तपुरकी सानुछोरी बज्राचार्य र भक्तपुर नगरपालिका भित्रकी सन्ध्या शाक्यसमेत अख्तियारको सूचीमा देखिएका छन् । २ सय ९९ रोपनीको उक्त जग्गा व्यक्तिको नाममा गरिएको विषय माथि अनुसन्धान गर्न अख्तियारले उनीहरुलाई हाजिर हुन बोलाएको हो ।

    के हो ललिता निवास जग्गा प्रकरण

    २०१८ सालको जग्गा प्राप्ति ऐनअनुसार क्षतिपूर्ति दिएर ललिता निवासको जग्गा तत्कालिन पंचायती व्यवस्थाले अधिग्रहण गरिदिएको थियो । २०४७ सालमा देशमा बहुदलीय व्यवस्था पुनस्र्थापना भएपछि आफ्नो जग्गा पञ्चायतले अन्यायपूर्वक हडपेको भन्दै सुवर्णशमशेर राणाका परिवारलगायतले सरकारसँग जग्गा फिर्ता मागेका थिए ।

    तत्कालिन कृष्णप्रसाद भट्टराई नेतृत्वको सरकारले पंचायतले अन्यायपूर्वक हडपेको जग्गा फिर्ता दिने वा मुआब्जा दिने नीतिगत निर्णय गरिदियो । त्यसैलाई टेकेर भू माफियाको चलखेल शुरु भयो र २०६७ सालमा उनीहरु ललिता निवास सरकारको हातबाट उम्काउन सफल भए ।

    पूर्व प्रशाशक शारदा प्रसाद त्रिताल नेतृत्वको समितिले गत २६ मंसिरमा प्रधानमन्त्री केपी शर्मा ओलीलाई बुझाएको प्रतिवेदमा सार्वजनिक, सरकारी र गुठी जग्गा व्यक्ति विशेषका नाममा दर्ता हुन गई हानि–नोक्सानी भएको निष्कर्ष बुझाएपछि यसले चर्चा पाउदै आएको छ ।

    हेर्नुस् अख्तियारले बोलाएका व्यक्तिहरु

    प्रतिकृया दिनुहोस्

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...