News Portal

  • भक्तपुरको मेधा मावि देशभरमै उत्कृष्ट : राष्ट्रिय पुरस्कारका लागि छनौट

    भक्तपुर, २० भदौ
    ४६३२ पटक
    भक्तपुर, २० भदौ

    शिक्षा, विज्ञान तथा प्रविधि मन्त्रालयको मूल्यांकनमा सर्वोत्कृष्ट भएपछि भक्तपुरको मेधा मावि राष्ट्रिय शिक्षा दिवसको अवसरमा पुरस्कृत हुने भएको छ । मन्त्रालयले ४० औं राष्ट्रिय शिक्षा दिवस तथा ५३ औं अन्तर्राष्ट्रिय साक्षरता दिवसका अवसरमा मेधा माविलाई पुरस्कृत गर्ने भएको हो ।

    माध्यमिक शिक्षा परीक्षा कक्षा १० तर्फ सामुदायिक विद्यालयहरुमा सर्वोत्कृष्ट ठहरिएपछि भक्तपुरको तेखापुखु स्थित मेधा माद्यमिक विद्यालय प्रथम हुँदै पुरस्कारको भागिदार बनेको शिक्षा मन्त्रालयले भक्तपुर पोस्टलाई जानकारी गराएको छ ।

    उत्कृष्ट विद्यालय छनौट सम्बन्धी मापदण्ड बनाएर मुल्यांकन गर्दा मेधाले देशभरमै प्रथम स्थान हासिल गर्न सफल भएको हो । १० कक्षाको परीक्षाफल र ९ कक्षाको विद्यार्थी रजिस्ट्रेसनको आधारमा गरिएको मूल्यांकनमा मेधाले ९०.०१ नम्बर प्राप्त गर्दै पहिलो विद्यालय बन्न पुगेको बताइएको छ ।

    मेधाको निकटतम प्रतिस्पर्धी बन्दै दोश्रो भएको विद्यालय गुल्मी स्थित रेसुङ्गा माविले ८६.३४ नम्बर ल्याएको छ भने ८६.३२ नम्बरसहित काठमाडौको बालाजुस्थित तरुण मावि तेस्रो स्थान ओगट्न सफल भएको छ ।

    यहि समुहमा अर्थात कक्ष १० अन्तर्गत सस्थागत विद्यालयको तर्फबाट रिलायन्स ईण्टरनेशनल एकेडेमी कपन काठमाडौं, नेपाल प्रहरी मावि साँगा काभ्रे र भ्याली भ्यु ईङ्लीस स्कुल नयाँ बानेश्वर काठमाडौं क्रमशः प्रथम, द्धितीय र तृतीय भएका छन् ।

    माध्यमिक शिक्षा उत्तीर्ण परीक्षा अन्तर्गत १२ कक्षा सम्म सञ्चालित विद्यालयबाट सामुदायिक तर्फ कास्की पोखराको अमरसिंह मावि, मोरङ ईन्द्रपुरको सुकुना मावि र पर्वत फलेवासको भवानी विद्यापीठ क्रमशः प्रथम, द्वितीय र तृतीय भएका छन् ।

    यस्तै सोही समुह अन्तर्गत संस्थागत तर्फ क्रमशः कास्कीकै एसओसएस हर्मन माईनर प्रथम, काभ्रे साँगाको नेपाल प्रहरी मावि द्धितीय र सेण्ट जेभियर्स कलेज माईतीघर काठमाडौं तृतीय भएका छन् ।

    शिक्षा, विज्ञान तथा प्रविधि मन्त्रालयले ४० औं राष्ट्रिय शिक्षा दिवस तथा ५३ औं अन्तर्राष्ट्रिय साक्षरता दिवसका अवसरमा आयोजना हुने विशेष कार्यक्रममा उत्कृष्ट छनौट भएका विद्यालयलाई पुरस्कार वितरण गर्नेछ । उनीहरुले शिल्ड, ध्वजा, नगद र प्रमाणपत्र प्राप्त गर्नेछन ।

    प्रतिकृया दिनुहोस्

    साझा मुद्राको अवधारणा बारे प्रस्ताव अघि सारेको गभर्नर अधिकारीको जिकिर

    नेपाल राष्ट्र बैंकका गभर्नर महाप्रसाद अधिकारीले दक्षिण एसियाको साझा मञ्चमा आफूले साझा मुद्राको अवधारणा बारे...

    प्रस्तावित ठाउँमै विमानस्थल बनाइने छःप्रधानमन्त्री देउवा

      प्रधानमन्त्री शेरबहादुर देउवाले कम क्षतिमा निजगढमै अन्तर्राष्ट्रिय विमानस्थल बनाउने बताएका छन्। उनले अहिले प्रस्तावित...

    सुचनाको हक र सकारात्मक सोच विषयक अन्तरक्रिया कार्यक्रम सम्पन्न

    आज (शनिबार) भक्तप्रको राधेराधे स्थित रोयल थाइ हस्पितालिटी होटलमा सुचनाको हक र सकारात्मक सोच विषयक...

    अनेसासको वरिष्ठ उपाध्यक्ष पदमा सुप्रसिद्ध कवि लालगोपाल सुवेदीको उम्मेद्वारी

    अन्तर्राष्ट्रि« नेपाली साहित्य समाज –अनेसास) को आगामी कार्यकाल २०२२–२०२४ का लाग साहित्यकार सुप्रसिद्ध तथा सर्वप्रिय...

    रवि लामिछानेको राष्ट्रिय स्वतन्त्र पार्टी आयोगमा दर्ता

    रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ । पूर्व सञ्चारकर्मी रवि...