News Portal

  • नेपालको सच्चा कम्युनिष्ट पार्टी नेमकिपा हो – प्रजापति

    भक्तपुर, २० भदौ
    १४१८ पटक
    भक्तपुर, २० भदौ

    भक्तपुर नगरपालिकाका प्रमुख समेत रहेका नेपाल मजदूर किसान पार्टी (नेमकिपा) का केन्द्रीय सदस्य सुनिल प्रजापतिले नेमकिपा नेपालको सच्चा कम्युनिष्ट पार्टी भएको जिकिर गरेका छन् । नेमकिपा संख्याले सानो पार्टी भए पनि विचार र सिद्धान्तमा अडिग नेपालको सच्चा कम्युनिष्ट पार्टी भएको उनको भनाइ छ ।

    शुक्रवार नेमकिपा निकट नेपाल प्राध्यापक समाज, इन्जिनियरिङ कलेज एकाइ समितिको आयोजनामा भक्तपुरमा भएको एक भेलालाई सम्बोधन गर्दै नेता प्रजापतिले पार्टीको नजिकिदै गरेको महाधिवेशनको तयारीबारे समेत बोलेका थिए । आगामी २०७६ असोज ३, ४ र ५ गते भक्तपुरमा हुने सातौ महाधिवेशन सफल पार्न उनले प्राध्यापक तथा कर्मचारीहरुको ससक्त सहयोगको अपेक्षा समेत गरे ।

    महाधिवेशन समाजवादी प्रचार अभियानकै सिलसिला भएको भन्दै उनले भक्तपुरमा आफ्नो नेतृत्वमा नगरपालिकाले गरेका कामहरुको फेहरिस्त समेत सुनाए ।

    नगर प्रमुख प्रजापतिले पछिल्लो समय सल्लाघारीस्थित १०८ रोपनी जग्गा अतिक्रमणबाट रोक्न नगरपालिकाले पर्खाल निर्माण र सडक–पेटी व्यवस्थित गर्ने कार्यहरु गर्दै आएको र भक्तपुर क्यान्सर अस्पतालमा भइरहेको अनियमितता र भ्रष्टाचार रोक्न लागिपरेको लगायतका कामबारे जानकारी गराए ।

    कार्यक्रममा नेपाल प्राध्यापक समाजका अध्यक्ष सरोजराज गोसाईले प्राध्यापक तथा कर्मचारीहरु पार्टीको महाधिवेशनको लागि अगाडि सारिएका राष्ट्रिय–अन्तर्राष्ट्रिय विचारमा प्रस्ट हुनुपर्नेमा जोड दिए । उनले भक्तपुर क्यान्सर अस्पतालमा भएको अनियमितता रोक्न नगरपालिकाले चालेको कदममा केही राजनीतिक पार्टीहरुले भक्तपुर काण्ड दोहोर्याउने र पार्टी नै समाप्त गरिदिनेजस्ता धम्की र टिप्पणी गर्नुमा गहिरो षड्यन्त्रको गन्ध आएकोले सचेत हुनुपर्ने बताए ।

    कार्यक्रममा नेपाल प्राध्यापक समाज, इन्जिनियरिङ कलेज एकाइका अध्यक्ष सुजन माकले असोज ३, ४ र ५ गते हुने पार्टीको महाधिवेशनमा प्राध्यापक–कर्मचारीहरुको तर्फबाट नैतिक, भौतिक र आर्थिक सहयोगको लागि आफूहरु तयार रहेको प्रष्ट पार्दै महाधिवेशन सफल पार्न पार्टी निर्देशनको पालन गरेर अघि बढ्ने प्रतिबद्धता प्रकट गरेका थिए ।

    प्रतिकृया दिनुहोस्

    क्रिप्टोकरेन्सीलाई मान्यता पाउनुपर्ने माग गर्दै सर्वोच्चमा रिट दर्ता

      डिजिटल मुद्रा क्रिप्टोकरेन्सीलाई मान्यता पाउनुपर्ने माग राखी सर्वोच्च अदालतमा बिहीबार रिट निवेदन दर्ता भएको...

    नागरिकता विधेयक पास भए नेपालमा लेन्डुप दोर्जेहरुको जन्म हुन्छः प्रेम सुवाल

    नेपाल मजदुर किसान पार्टीका सांसद प्रेम सुवालले नागरिकता विधेयक पास गर्नु राष्ट्रघाती काम हुने बताएका...

    नागरिकता विधेयकबारे संसदमा चर्काचर्की

    राष्ट्रपति विद्यादेवी भण्डारीले फिर्ता पठाएको नागरिकता विधेयक सरकारले जस्ताको तस्तै पास गर्ने तयारी गरेपछि त्यसको...

    भेटाएको नागरिकता दुरुपयोग गरी ठगीगर्ने तीन जना पक्राउ

      भेटाएको नागरिकता दुरुपयोग गरी कम्पनी खोलेर ठगी कार्यमा संलग्न तीन जनालाई प्रहरीले पक्राउ गरेको...

    राष्ट्रपतिप्रति सांसद गजेन्द्र महतको व्यंग्यः राष्ट्रपतिलाई अफ्ट्यारा कामहरू राति नै फत्ते गर्ने बानी परिसक्यो

    नेकपा माओवादी केन्द्रका सांसद गजेन्द्र महतले राष्ट्रपति विद्यादेवी भण्डारीप्रति व्यंग्य गरेका छन्। संसदको दुवै सदनले...