News Portal

  • नेमकिपाद्वारा नेकपाको अस्तित्व अस्वीकार,मशालमाथि पनि अध्यक्ष बिजुक्छेंले उठाए औंला

    हिना सुवाल भक्तपुर, ३ असोज
    १५१४ पटक
    भक्तपुर, ३ असोज

    नेपाल मजदुर किसान पार्टीले सतारुढ़ दल नेपाल कम्युनिष्ट पार्टीको कम्युनिष्ट अस्तित्व अस्वीकार गरेको छ । पार्टीको सातौ महाधिवेशनको उद्घाटन सत्रमा आयोजित सभालाई शुक्रवार भक्तपुरको सल्लाघारीमा सम्बोधन गर्दै अध्यक्ष नारायणमान बिजुक्छेले पटक पटक एमाले र माओबादी केन्द्रको सरकार भनिरहे पनि यी दुई पार्टी एकतापछि बनेको नेकपा प्रति आक्रामक अभिव्यक्ति  दिए ।

    एमाले र माओवादी पार्टीहरू निर्वाचनमा बहुमत ल्याएर नेपाली काँग्रेसलाई ठेगान लगाउने र आफ्नो अस्तित्व जोगाउन नेकपाको नाममा
    सिद्धान्तहीन राजनीतिमा हाम फालेको र नेकपा माक्र्सवादी पार्टी नभई संशोनवादी र अवसरवादी भएको उनको भनाइ छ ।

    नेकपा एमाले र माओबादी केन्द्र देखि नेकपा मसाल सम्म पनि सच्चा कम्युनिष्ट पार्टी नभएको भन्दै यिनीहरुले जनतालाई झुक्याइरहेको अध्यक्ष बिजुक्छेंको आरोप छ । ”समाजवादको आस्वासन बाढ्ने तर व्यवहारमा त्यो आचरण नगर्ने र बाचा तोड्नेहरु कम्युनिष्ट हुन सक्दैनन् ।” उनले भने ।

    नेपाली काँग्रेस सिद्धान्तहीन भएको भनेका अध्यक्ष बिजुक्छेंले एमाले,माओबादी केन्द्र देखि मसालसम्म शासक दल भएको तर यिनीहरु समाजवादको नाम भजाएर स्वार्थमा रमाइरहेको आरोप लगाए । शासक दलहरूको उद्देश्य खस–आर्यहरूको बडा राष्ट्र अहंकारवादीहरूको राजनैतिक संघर्ष मात्र सरकारमा पुग्ने लुछाचुडी भएको बिजुक्छेले बताए । नेमकिपा मात्र सच्चा कम्युनिष्ट भएको र समाजबादी क्रान्तिको बाटोमा अविचलितरुपमा लागिरहेको उनले जिकिर गरे ।

    समाजवादको बचन पूरा नगर्ने पार्टीहरुले जनतालाइ बिस्वासघात गरेको भन्दै उनले नेमकिपा कहिल्यै संसदबादी भाषमा नाभसीएको दावी गरे । बन्दुक बोकेर आएका दलहरु पनि सत्ताको चास्नीमा डुबेको र समाजबाद बिर्सिएको बताउदै उनले नेमकिपा अहिले सम्म चोखो रहेको बताए ।

    सम्बोधनमा अन्तराष्ट्रिय घटनाबारे धेरै समय बोलेका अध्यक्ष बिजुक्छेले चीन लगायात कम्युनिष्ट देशप्रति पक्षधरता देखाएका थिए भने भारत र अमेरिकाको चर्को आलोचना गरे ।

    भेनेजुयालामाथि अमेरिकाले दादागिरी देखाएको र जम्मु कास्मिर माथि भारतले हस्तक्षेप गरेको सह्य नहुने बताउदै उनले अमेरिकी साम्राज्यवाद र भारतीय बिस्तारबाद बिरुद्ध नेमकिपा सदैव लडिरहने उद्घोष गरे ।

    पूर्ण पाठ पढ्न यहाँ क्लिक गर्नुस्

    प्रतिकृया दिनुहोस्

    सानोठिमी क्याम्पसको प्राध्यापक संघमा प्राडा श्रेष्ठको नेतृत्वमा नयाँ कार्यसमिति

    त्रिभुवन विश्वविद्यालय प्राध्यापक संघको सानोठिमी क्याम्पस इकाई समितिले नयाँ नेतृत्व पाएको छ । प्राडा माधव...

    क्रिप्टोकरेन्सीलाई मान्यता पाउनुपर्ने माग गर्दै सर्वोच्चमा रिट दर्ता

      डिजिटल मुद्रा क्रिप्टोकरेन्सीलाई मान्यता पाउनुपर्ने माग राखी सर्वोच्च अदालतमा बिहीबार रिट निवेदन दर्ता भएको...

    नागरिकता विधेयक पास भए नेपालमा लेन्डुप दोर्जेहरुको जन्म हुन्छः प्रेम सुवाल

    नेपाल मजदुर किसान पार्टीका सांसद प्रेम सुवालले नागरिकता विधेयक पास गर्नु राष्ट्रघाती काम हुने बताएका...

    नागरिकता विधेयकबारे संसदमा चर्काचर्की

    राष्ट्रपति विद्यादेवी भण्डारीले फिर्ता पठाएको नागरिकता विधेयक सरकारले जस्ताको तस्तै पास गर्ने तयारी गरेपछि त्यसको...

    भेटाएको नागरिकता दुरुपयोग गरी ठगीगर्ने तीन जना पक्राउ

      भेटाएको नागरिकता दुरुपयोग गरी कम्पनी खोलेर ठगी कार्यमा संलग्न तीन जनालाई प्रहरीले पक्राउ गरेको...