News Portal

  • अधिकार केन्द्रकै मुठ्ठीमा राखेर संघीयताको अर्थ हुँदैन : प्रजापति

    भक्तपुर, ३ असोज
    १७४६ पटक
    भक्तपुर, ३ असोज

    भक्तपुर नगरपालिकाका प्रमुखसमेत रहेका नेमकिपाका केन्द्रीय सदस्य सुनिल प्रजापतिले बर्तमान सरकार कम्युनिष्ट सरकार हुने नसक्ने दावी गरेका छन् । सरकारले निजीकरणलाई प्रश्रय दिएकाले यो कम्युनिष्ट सरकार हुन नसक्ने उनको दावी छ ।

    शुक्रवार नेमकिपाको सातौँ महाधिवेशनको उद्घाटन समारोहलाई सम्बोधन गर्दै केन्द्रीय सदस्य प्रजापतिले आगामी ५ वर्षपछि देशको सबै क्षेत्रमा निजी क्षेत्रको लगानी ५५ प्रतिशत पु¥याउने लक्ष्य लिएकोले निजीकरणलाई जोड दिनेहरू कम्युनिस्ट हुनै नसक्ने जिकिर गरे ।

    सङ्घीयताको अर्थ अधिकारको विकेन्द्रीकरण भएको भन्दै प्रजापतिले अधिकार केन्द्रकै मुठ्ठीमा राख्ने संघीयताको अर्थ नहुने स्पष्ट पारे । ”सङ्घीयता कार्यान्वयनपछि केन्द्र र प्रदेश सरकारहरू स्थानीय तहलाई अधिकार दिन चाहिरहेका छैनन् । स्थानीय तह केन्द्रको मातहतमा बस्नुपर्छ भन्ने पुरानो सोच केन्द्र सरकारमा बस्नेहरूसंग अझै रहेको छ ।” उनले भने ।

    स्थानीय तह लोकतन्त्रको जग भएकोले स्थानीय तह विकास नभएसम्म देशको विकासले पूर्णता नपाउने बताउदै भक्तपुर नगर प्रमुख समेत रहेका नेमकिपाका नेता प्रजापतिले बिभिन्न अवरोधका बाबजूद भक्तपुर नगरपालिकाले जनताको पक्षमा धेरै काम गरेको जिकिर गरे ।

    सरकारले निजीलाई प्राथमिकता दिइरहेको अवस्थामा भक्तपुर नगरपालिकाले आफैले शिक्षा, स्वास्थ्य र भौतिक निर्माण लगायतका क्षेत्रमा उदाहरणीय काम गरेको उनको भनाइ छ ।

    भक्तपुर पोस्टको फेसबुक पेज लाइक गर्न बिर्सनु भएको त छैन ? फेसबुकमै समाचार प्राप्त गर्न पेज लाइक गर्नुहोस् ।

    प्रतिकृया दिनुहोस्

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...