News Portal

  • सल्लाघारीमा २८ वर्षिया युवतीलाई जबरजस्ती करणी गरेको आरोपमा १९ वर्षीय युवक जेल चलान

    भक्तपुर, ३० असोज
    १६४० पटक
    भक्तपुर, ३० असोज

    भक्तपुर नगरपालिका वडा नम्बर १ सल्लाघारीस्थित जंगलमा एक युवतीलाई जबरजस्ती करणी गरेकाे आरोपमा १९ वर्षीय युवक जेल चलान भएका छन् भने उक्त अपराधमा संलग्न भएका भनिएका अर्का अभियुक्त नाबालक भएकोले अदालतले उनलाई अभिभावकको जिम्मा लागाई तारिखमा छोडिदिएको छ ।

    जबरजस्ती करणी मुद्धामा सुनुवाई गर्दै बुधवार भक्तपुर जिल्ला अदालतले उक्त आदेश दिएको हो । जिल्ला अदालतको आदेशानुसार जेल चलान हुनेमा सूर्यविनायक नगरपालिका- ७ किवाचोकका १९ वर्षीय सन्तोष माकाजु रहेका छन् । माकाजुलाई पुर्पक्षको लागी थुनामा राख्न अदालतले आदेश दिएपछि डिल्लीबजार कारागार पठाईएको महानगरीय प्रहरी परिसर भक्तपुरका सूचना अधिकारीसमेत रहेका डीएसपी रेवतीरमण पोखरेलले बताए । अर्का व्यक्ति नाबालक भएकोले अभिभावकको जिम्मा लगाई तारेखमा छोडिएको छ ।

    यसै महिनाको ३ गते राती अन्दाजी साढे आठ बजेको समयमा उनीहरु २८ बर्षिय युवतीलाई जबरजस्ती करणी गरी फरार भएका थिए । अपरिचित युवकहरुले जबरजस्ती करणी गरी फरार भएपछी पीडित प्रहरी कार्यालय पुगेकी थिइन् । अभियुक्तहरुको खोजतलास गर्ने क्रममा सीसी क्यामेरामा देखिएको हुलियाको आधारमा पहिचान गरी असोज ४ मै प्रहरीले उनीहरुलाई पक्राउ गरी जबरजस्ती करणी मुद्धामा म्याद थप गरेर अनुसन्धान शुरु गरेको थियो ।

    अनुसन्धान सम्पन्न गरी भक्तपुर जिल्ला अदालतमा प्रहरीले मुद्दा पेश गरेपछि अदालतको आदेश अनुसार बुधवार माकाजु जेल चलान भएका हुन् । पीडित महिलालाई संरक्षणको लागी संरक्षण गृहमा राखिएको महानगरीय प्रहरी परिसरका डीएसपी रेवतीरमण पोखरेलले जनाएका छन् । मुद्दाको अन्तिम फैसला भने हुन बाँकी छ ।

    प्रतिकृया दिनुहोस्

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...

    सिनामंगलस्थित सेन्ट्रल कलेजमा विद्यार्थीका लागि विशेष कार्यक्रम

     सिनामंगलस्थित सेन्ट्रल कलेजमा नयाँ भर्ना भएका विद्यार्थीका लागि स्वागत कार्यक्रम सम्पन्न भएको छ । स्नातक...

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...