News Portal

  • चाँगुनारायणमा शुक्रवार सार्वजनिक बिदा

    भक्तपुर, २१ कात्तिक
    १३८६ पटक
    भक्तपुर, २१ कात्तिक

    भक्तपुरस्थित चाँगुनारायण नगरपालिकाले शुक्रवार सार्वजनिक बिदा दिने घोषणा गरेकाे छ । नगरपालिकाले शुक्रवार हरिबोधनी एकादशी मनाउन सार्वजनिक बिदा दिने घोषणा गरेकाे हाे ।

    नगरपालिकाले जनाए अनुसार उक्त दिन चाँगुनारायण मन्दिरमा ठूलो मेला लाग्ने भएकाले सार्वजनिक बिदा हुने भएकाे हाे ।

    हरिबोधनी एकादशीलाई धुमधामले मनाउन नगरभित्रका सबै सरकारी कार्यालय,सहकारी, स्वास्थ्य तथा शैक्षिक संस्थाहरु लगायतमा सार्वजनिक बिदा दिइने घोषणा गरिएको बताइएकाे छ ।गत सालदेखि नै ठूली एकादेशी पनि भनिने हरिबोधनी एकादेशीका दिन सार्वजनिक बिदा दिन थालिएको चाँगुनारायण नगरपालिकाका प्रमुख प्रशासकीय अधिकृत चिरन्जीवी तिमल्सिनाले बताए । ‘नगरपालिकाले आफ्नो क्यालेण्डरमै यस दिन बिदा उल्लेख गरेको छ ।’ भक्तपुर पोस्टसंग उनले भने ।

    खोटाङको जन्तेढुङ्गा गाउँपालिका,गुल्मीको रेसुंगा नगरपालिकाले पनि शुक्रबार सार्वजनिक बिदा दिने निर्णय गरेका छन् ।

    के हाे हरिबोधनी एकादशी 

    हिन्दू धर्ममा एकादशीलाई भगवान् विष्णुको उपासना गर्ने पर्वको रूपमा लिइन्छ । वर्षमा २४ वटा एकादशी पर्दछन् जसमध्ये सबैभन्दा ठूलो एकादशीकाे रुपमा हरिबोधनी एकादशीलाई  मानिन्छ । आषाढ शुक्ल एकादशीको दिन क्षीर सागरमा सुतेका भगवान विष्णु कार्तिक शुक्ल एकादशीका दिन उठेकाले याे हरिबोधनी एकादशीका रुपमा चिनिएकाे पुराणहरूमा उल्लेख गरिएको छ ।

    भगवान विष्णु जागा हुने हुनाले यो दिन विष्णुको आराधना गर्न उपत्यकाका चार नारायण चाँगुनारायण, विशङ्खुनारायण, इचङ्गुनारायण र शेषनारायण लगायत बुढानीलकण्ठमा समेत भक्तजनको मेला लाग्दछ । हरिबोधनीमा उपवास बसिसक्नेले करिब १८ कोसको दुरीमा रहेको चार नारायण र नसक्नेले कम्तीमा एक नारायणको दर्शन र पूजाअर्चना गरेमा सम्पूर्ण पाप नाश भई अन्त्यमा मोक्ष मिल्ने धार्मिक विश्वास रहि आएको छ ।  यस दिन तुलसीको बिबाह गरिदिने प्रचलन समेत छ ।

     

    यो पढ्नुभयो ?

    गर्मीमा पुग्नैपर्ने गन्तब्य : चाँगुनारायणस्थित मुहान पोखरी झरना

    प्रतिकृया दिनुहोस्

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...