News Portal

  • गर्मीमा पुग्नैपर्ने गन्तब्य : चाँगुनारायणस्थित मुहान पोखरी झरना

    बुद्धशरण शाही/ भक्तपुरपोस्ट भक्तपुर, १६ भदौ
    ९६६९ पटक
    भक्तपुर, १६ भदौ

    बेलाबेलामा वर्षा भइरहे पनि केहि दिन यता गर्मी निकै बढेको छ । यस्तो उखरमाउलो गर्मी छल्न भक्तपुरमै रहेको झरनाबारे धेरैलाई थाहाँ नहुन सक्छ ।

    व्यस्त दैनिकीका कारण मानिसहरुलाई धेरै टाढा जान फुर्सद पनि छैन । शहरी जीवनमा मानिसहरुलाई फुर्सद पाउन मुस्किल छ । तर, फुर्सद मिलेमा पनि नजिकै मनमोहक झरनामा रुझ्न भिज्न सकिन्छ भन्ने कुराको विश्वास नहुन पनि सक्छ ।

    बागमती, मनोहरा र हनुमन्ते लगायतको नदीको हालत हेरेर राजधानीमा स्वच्छ पानीको कुरा गर्दा पनि पत्यार नमान्ने धेरैलाई भक्तपुरको चाँगुनारायण एक आकर्षणको केन्द्र हुनसक्छ ।

    हो, यहाँ मुहान पोखरी झरना रहेको छ जहाँ तपाइँ पानीको मज्जा लिन सक्नुहुन्छ ।

    भक्तपुरको चाँगुनारायण नगरपालिकाको वार्ड नं ६ र ७ मा मुहान पोखरी झरना पर्दछ । यो झरना गर्मी छल्ने उत्कृष्ट गन्तव्य हुन सक्छ । यो झरनाले विदाका दिनलाई निकै रमाइलो बनाउने पक्का छ ।

    भक्तपुर चाँगुनारायणमा रहेको यो मुहान पोखरीमा जानका लागि भक्तपुरबाट खरिपाटी हुँदै जान सकिन्छ । खरिपाटीबाट १५–२० मिनेटको बाटो काटेपछि उक्त झरनामा पुग्न सकिन्छ । अहिले धेरै मानिसहरु यो गन्तव्यमा पुग्ने र रमाउने गरेका छन् ।

     

    नगरकोटको महादेव कुण्डबाट बगेर आउने खोला मुहान पोखरीमा आएपछि झरना बन्दछ । त्यो झरना बग्दै आएर हनुमन्ते खोला हुँदै बागमती नदीमा मिसिने गर्दछ ।

    पुरानो भनाई अनुसार परापूर्व कालमा समुन्द्र मन्थनको क्रममा निस्केको कालकुट बिष महादेवले जगत कल्याणको लागि पिउदा भएको छटपटाहट यहिँ कुण्डमा डुबेर शान्त पारेका थिए । यहिँ महादेवले बिष बमन गर्न प्रयास गरी अगाडिको यात्रा पूरा गरेको भनाइ यहाँ प्रख्यात छ । यसर्थ, यसको पानीको धार्मिक महत्व पनि रहेको छ । यस झरनासँगै यहाँ काली दह, पञ्चकन्या देवीको मन्दिर र मुहान गणेशको मन्दिर पनि रहेका छन् । धार्मिक आस्था राख्नेहरुका लागि यी मन्दिरहरु अझ बढी महत्वपूर्ण हुनसक्छन् ।

    भक्तपुरमा अहिले पनि वर्षातको समयमा पानी नपरेको खण्डमा बाजागाजा सहित पानी माग्ने परम्परा रहिआएको छ । बाजागाजासहित पानी मागेमा बर्षा हुुने गरेको मान्यता अहिले पनि स्थापित छ ।

    भक्तपुर किसानहरुको शहर भएकोले पनि यहाँ पानीको ठूलो महत्व छ । भक्तपुरको मुहान पोखरीमा पानीसंग खेल्नुको मज्जा बेग्लै छ जो शब्दमा वर्णन गर्न कठिन छ । पोखरी, झरना, खोलालाई शब्दमा बुझ्नुभन्दा मुहान पोखरीमा आएर बुझ्दा त्यो अझ अर्थपूर्ण हुने निश्चित छ ।

    तस्वीर : बुद्धशरण शाही/ भक्तपुरपोस्ट

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...