News Portal

  • कालापानीमा नेपालको विरुद्ध नेपालीकै प्रयोग गरिएको सांसद सुवालको खुलासा

    भक्तपुर, २५ कात्तिक
    २१४७ पटक
    भक्तपुर, २५ कात्तिक

    नेपाल मजदुर किसान पार्टीका सचिव समेत रहेका सांसद प्रेम सुवालले कालापानी नेपालीकै बलमा भारतले कब्जा गरेको बताएका छन् । कालापानी कब्जा गरेर भारतले नेपालबाट भर्ती गरेको गोर्खा फौज तैनाथ गरेको उनले बताए ।

    संसदको राज्य व्यवस्था तथा सुशासन समितिमा सोमबार बोल्दै सांसद सुवालले सन् १९५० मा भारतले कालापानीमा गोर्खा रेजिमेन्ट राखेको आफूलाई उक्त रेजिमेन्टका एक सैनिकले बताएको जिकिर गरे । नेपाल विरुद्ध नेपालीलाई नै प्रयोग गरेर भारतले कालापानी कब्जा गरेको र शाशक दल निरिह देखिएकाले भारतले अहिले आएर आफ्नो नयाँ नक्सामै यसलाई गाभेको उनको भनाइ छ ।

    ‘नेपालविरुद्ध नेपाली नै प्रयोग गरेको भारतीय विस्तारवादी चरित्र यतिबेला नाङ्गो भएको छ।’ सांसद सुवालले भने । भारतीय विस्तारवाद बाट बच्न गोर्खा भर्ती केन्द्र बन्द गर्नुपर्ने पनि उनले बताए ।

    सन् १९५०मा तत्कालीन प्रधानमन्त्री मात्रिकाप्रसाद कोइरालाले कालापानीमा भारतीय सेना राख्न अनुमति दिएको दावी गर्दै सांसद सुवालले पछि त्यहाँ तैनाथ सेनाले कालीको मन्दिर बनाएर कालीमन्दिर बाट बग्ने पानीलाई सिमाना भनेर बिबाद निकालेको उनले जिकिर गरे । ‘भारतीय गोर्खा सेनामा भर्ती भएका श्रीप्रसाद बुढाथोकीको हवाला दिंदै सांसद सुवालले गोर्खा सैनिक कालापानीमा भारतले खटाएको जिकिर गरेका थिए । गोर्खा सैनिक आफ्नै मातृभूमिको बिरुद्ध परिचालित भएको कालापानी तथ्यले उजागर गरेको भन्दै उनले आफ्ना नौजवान अरुको सुरक्षा फौजमा खटाउन नहुने माग गरे ।

    कालापानी, लिपुलेक र लिम्पियाधुरा हाम्रो हो भन्ने नेपालीलाई अराजक मान्न नहुने भन्दै उनले कूटनीतिक पहलका नाममा सरकारले अलमल गर्न नहुने बताए । लिपुलेक हडपेको कारण तत्काल नेपाली सेना र सशस्त्र प्रहरीलाई सिमा सुरक्षामा पठाउनुपर्ने सांसद सुवालले बिचार व्यक्त गरे ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...