News Portal

  • नेकपाले उज्यालोको युग शुरु गर्यो : पूर्वप्रधानमन्त्री खनाल

    भक्तपुर, २ मङ्सिर
    ६६५ पटक
    भक्तपुर, २ मङ्सिर

    पूर्वप्रधानमन्त्री समेत रहेका नेपाल कम्युनिष्ट पार्टी (नेकपा) का बरिष्ठ नेता झलनाथ खनालले नेकपाले उज्यालोको नेतृत्व गरिरहेको बताएका छन् । नेकपाको सरकार बनेपछि लोडसेडिङ्ग अन्त्य भएको भन्दै उनले देशमा नेकपाले  अध्यारोबाट उज्यालोको युग शुरु गरेको बताएका हुन् ।

    सोमवार भक्तपुर क्षेत्र नम्बर १ अन्तर्गत प्रदेश क्षेत्र नम्बर १ मा पार्टीका तर्फबाट प्रदेश सभाका उम्मेदवार डीपी ढकालको लागि भोट माग्न चाँगुनारायण-४ आइपुगेका वरिष्ठ नेता खनालले देशलाई विकास र समृद्धिको बाटोमा नेकपाले लागिरहेको बताए । प्रत्येक जिल्लाको गाउँ गाउँसम्म सडक पुर्याएर जनतालाई एक अर्कासंग जोड्ने काम गरिएको उनको जिकिर छ । कृषी र पर्यटनलाई सरकारले जोड दिएको जानकारी गराउदै उनले सरकार परनिर्भरताको अन्त्यको लागि उत्पादनमुखी नीति आत्मसाथ गर्दै अघि बढेको बताए ।

    एक फरक प्रसंगमा पूर्वाप्रधानमन्त्री खनालले कालापानी, लिपुलेक, लिम्पियाधुराका लागि नेकपाको सरकारले रास्ट्रिय एकता कायम गरी लडिरहेको र नेकपाको सरकार सिमा सुरक्षाको काम ऐतिहासिक रुपमा पुरा गर्न दृढ रुपमा अगाडि बढेको दावी गरेका थिए ।

    सोमबार पूर्व पर्यटनमन्त्री सामेत रहेका नेकपाका केन्द्रीय सदस्य आनन्द पोखरेल, पूर्व उद्योगमन्त्री एवं सांसद महेश बस्नेत, प्रदेश सांसद रामेश्वर फुयाल, भक्तपुर ईन्चार्ज दिलिप प्रजापति, सहइन्चार्ज एवं चाँगुनारायणका नगर प्रमुख सोम मिश्र, सूर्यविनायक नगरपालिकाका प्रमुख वासुदेव थापा, नेकपा जिल्ला अध्यक्ष बचन देउजा, उम्मेदवार डीपी ढकाल लगायतले चाँगुनारायण- -४ का मतदाताको घरदैलोमा पुगेर भोट मागेका थिए । चाँगुनारायणमा बीर अस्पताल आएको, करोडौ रुपैया सडक र खानेपानीको क्षेत्रमा आएको, नगरपालिकाले पनि प्रत्येक वडामा करोडौको योजना विस्तार गरेको बताउदै उनीहरुले प्रदेशको बजेट समेत ल्याएर चाँगुक्षेत्रको विकास गर्न डीपीलाई जिताउनुपर्ने जिकिर गरेका थिए ।

    नेकपाको घरदैलो कार्यक्रममा वडाका सयौं कार्यकर्ता सहभागी भएका थिए । उक्त अवसरमा स्थानीय जनताले उम्मेदवार ढकाल लगायत नेतागणलाइ स्वागत गर्नुका साथै बिजयको शुभकामना समेत दिएका थिए ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...