News Portal

  • १०८ रोपनी जग्गा संरक्षण गर्ने बाहेक भक्तपुर नगरपालिकाको कुनै स्वार्थ नभएको भनाइ

    निशा कुश्मा भक्तपुर, ३ मङ्सिर
    १२३८ पटक
    भक्तपुर, ३ मङ्सिर

    भक्तपुर नगरपालिकाले सल्लाघारीस्थित नेपाल ट्रष्टको १०८ रोपनी जग्गा संरक्षणमा खटिएका सुरक्षा गार्डलाई कब्जामा नलिएको जनाएको छ । नगरपालिकाले सुरक्षा गार्डलाई कब्जामा लिएर छोडेको भन्ने कुरा निराधार र नियोजित हल्ला मात्र भएको नगरपालिकाले जनाएको हो ।

    भक्तपुर नगरपालिकाले नेपाल ट्रष्टलाई लिखित जानकारी दिएर संरक्षण शुरु गरेको जानकारी गराउँदै नगरप्रमुख सुनिल प्रजापतिले नेपाल ट्रष्टको जग्गा संरक्षण गर्ने बाहेक भक्तपुर नगरपालिकाको कुनै स्वार्थ नभएको प्रष्ट पारेका छन् । उनले केहि संचारमाध्यमले एकतर्फी गलत समाचार दिएर भ्रम पार्न खोजेको जिकिर गरे ।

    ‘ नगरपालिका नियमानुसार चल्ने एक वैधानिक संस्था हो । भक्तपुर नगरपालिकाले नेपाल ट्रष्टको जग्गामा ‘स्वामित्व लिन खोज्यो’ भन्ने आशय अत्यन्त गलत हो ।” प्रमुख प्रजापतिले भने ।

    उक्त जग्गामा जथाभावी पार्किङ गर्ने, निर्माण सामग्रीहरु थुपार्ने तथा फोहर फाल्ने गरेको कारण नगर प्रवेश हुने ठाउँमा त्यस्तो राख्नु उपयुक्त नभएकोले नगरपालिकाले आफ्नै खर्चमा पर्खाल लगाएर राखेको प्रष्ट पार्दै नेपाल ट्रष्टका सचिव गजेन्द्रकुमार ठाकुर सहितको टोलीले भक्तपुरबासी जनताको अधिकत्तम हितमा उक्त जग्गा सदुपयोग गर्ने’ निर्णय समेत गरेकोले नगरपालिकाले सहकार्यमा काम गरिरहेको दावी गरिएको छ ।

    ‘नेपाल ट्रष्टका सुरक्षा गार्डलाई कब्जामा लिइएको भन्ने समाचार सत्य होइन । सत्य के हो भने नगरपालिकासँग समन्वय नगरी नगरपालिकाले लगाएको ताला फ़ुटाएपछि अनुसन्धानमा गएको टोलीले सोधपुछ गर्दा नेपाल ट्रस्टको मान्छे भन्ने थाहाँ भएपछी प्रहरी प्रशासनमा खबर गरी फ़र्काइएको हो ।” नगरपालिकाद्वारा भक्तपुर पोस्टलाई प्राप्त पत्रमा भनिएको छ ।

    नेपाल ट्रष्टको नाममा राखिएका साइन बोर्डमा भक्तपुर-१ सल्लाघारी ठेगाना नलेखी कटुन्जे- ९ (ख) कित्ता नं. ५४० लेखिएकोले जनतामा भ्रम सृजना हुने हुँदा त्यसलाई सच्याउन पनि नेपाल ट्रष्टलाई आग्रह गरिएको बताइएको छ ।

    प्रतिकृया दिनुहोस्

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...