News Portal

  • डीपीलाई अर्थमन्त्री बनाइने पूर्वमन्त्री सापकोटाको खुलासा

    भक्तपुर, ३ मङ्सिर
    २१२५ पटक
    भक्तपुर, ३ मङ्सिर

    दुई पटक मन्त्री भैसकेका पूर्वमन्त्री एवं नेपाल कम्युनिष्ट पार्टी (नेकपा) का स्थायी समिति सदस्य अग्नि सापकोटाले भक्तपुरको प्रदेश सभामा पार्टीले अर्थ राजनीतिमा पोख्त वौद्धिक युवा नेता भएकोले डीपी ढकाललाई उम्मेदवार बनाएको बताएका छन् । प्रदेश नम्बर ३ को भावी अर्थमन्त्रीको रुपमा पार्टीले उनलाई उम्मेदवार बनाएको नेता सापकोटाले बताए ।

    मङ्सिर १४ गते निर्धारित उपनिर्वाचनमा भक्तपुर क्षेत्र नं १ अन्तर्गत प्रदेश नं १ मा प्रदेश सभा सदस्यका उम्मेदवार डीपी ढकालको चुनावी कार्यक्रममा सहभागी बन्न मंगलवार चाँगु-५ छालिङमा आइपुगेका नेता सापकोटाले भने , ” डीपी प्रदेश नं ३ को अर्थमन्त्री बन्न योग्य हुनुहुन्छ । उहाँ निर्वाचित भएपछी प्रदेश सभामा अर्थमन्त्री दिलाउने कुरामा मेरो पनि पूरै पहल रहन्छ ।”

    यस अघि नेकपाका सचिवालय सदस्यसमेत रहेका संगठन बिभाग प्रमुखले मनोनयन दर्तापछि आयोजित सभामै ढकाल लाई मन्त्री बनाइने बताइसकेका छन् । संघीय सरकारले अघि सारेको ‘समृद्ध नेपाल, सुखी नेपाली’को अभियान सफल पार्न डीपी जस्ता अर्थशास्त्रका जानकार आवश्यक रहेको भन्दै नेता सापकोटाले ढकाललाई निर्वाचित गराउँन अपिल गरे ।

    आर्थिक क्षेत्रका जानकार भएकाले ढकालले भक्तपुरको विकासका लागि योगदान गर्न सक्ने विस्वास व्यक्त गर्दै उनले भक्तपुरबासीलाई योग्य युवा उम्मेदवार जिताउने अवसर प्राप्त भएको जिकिर गरेका थिए ।

    उक्त अवसरमा पूर्वउद्योगमन्त्री  एवं भक्तपुरका निर्वाचन क्षेत्र नम्बर २ का सांसद  महेश बस्नेतले भक्तपुरको निर्वाचन क्षेत्र नम्बर १ मा जनताको काम गर्ने सांसद नहुँदा आफू एक्लो भएको भन्दै डीपी काम गर्न योग्य जोडी हुने जिकिर गरेका थिए ।

    उक्त अवसरमा उम्मेदवार ढकालले आफूले प्रदेशबाट ठूलो राशिको बजेट ल्याएर यस क्षेत्रको विकासनिर्माण र समृद्धिको सहयोग पुर्याउने प्रतिवद्धता प्रकट गरेका थिए ।

    उक्त अवसरमा पार्टी जिल्ला इन्चार्च दिलिप प्रजापति, सह-इन्चार्ज सोम मिश्र, अध्यक्ष बचन देउजा, जिल्ला समन्वय समिति प्रमुख नवराज गेलाल, सूर्यबिनायकका मेयर बासुदेव थापा, नेता मोहनवीर श्रेष्ठ लगायत चाँगुनारायण नगरपालिकाको छालिङका मतदाता समक्ष पुगेर डीपीका लागि मतदान गर्न अनुरोध गरेका थिए ।

    प्रतिकृया दिनुहोस्

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...