News Portal

  • भक्तपुरलाई कम्युनिष्टको किल्ला बनाउनुपर्छ : जनार्दन शर्मा

    नगरकोट काठमाडौंको शीर भएकोले यो शीर उचों राख्न नेकपाले मात्र सक्ने दावी

    भक्तपुर, ४ मङ्सिर
    १६३८ पटक
    भक्तपुर, ४ मङ्सिर

    भक्तपुर १ (१) मा प्रदेश सभा सदस्यको लागि हुन गैरहेको उपनिर्वाचनमा नेपाल कम्युनिष्ट पार्टी (नेकपा) का उम्मेदवार डीपी ढकाललाई भोट माग्न पूर्व उर्जा,गृह र शान्ति मन्त्री समेत रहिसकेका प्रभावशाली नेता जनार्दन शर्मा प्रभाकर नगरकोट आइपुगेका छन् । शुक्रवारबाट शुरु भएको डीपीको घरदैलो अभियान अन्तर्गत छैठौं दिन भोट माग्न प्रभावशाली नेता शर्मा नगरकोट आइपुगेका हुन् ।

    बुधवार बिहान नगरकोटमा आयोजित एक चुनावी सभालाई सम्वोधन गर्दै नेता शर्माले सबै तहमा नेकपाको पहुँच भएकोले यस क्षेत्रको समग्र बिकाशका लागि डीपीलाई जिताउनुपर्ने जिकिर गरे । नगरकोट काठमाडौंको शीर भएको भन्दै यो शीर उचों राख्न नेकपाले मात्र सक्ने उनको दावी छ ।

    ”डीपी ढकाल विद्यार्थी आन्दोलन हुँदै जनयुद्ध र जनआन्दोलनबाट खारिएर आएको सरल इमान्दार बौद्धिक युवा नेता भएकोले यस क्षेत्रको अगुवाई गर्न हरेक कोणबाट योग्य र सक्षम हुनुहुन्छ । उहाँलाई निर्वाचित गरेर नेकपाको सुखी नेपाली र समृद्ध नेपालको अभियानमा साथ् दिन म अपिल गर्छु ।” नेता शर्माले भने ।

    देशलाई १८ घन्टाको लोडसेडिंगबाट मुक्त गरेको श्रेय पाएका संगठन बिभाग उप प्रमुख समेत रहेका नेता शर्माले नगरकोट पुग्ने सडकको दुरावस्था अन्त्य गर्न ३ महिना भित्र बाटो बनाउन शुरु गर्ने प्रतिवद्धता प्रकट गरे । ”नगरकोट देशकै प्रमुख पर्यटकीय गन्तब्य मध्यको एक हो । यसको बिग्रेको बाटो नेकपाको सरकारले ३ महिना भित्र बनाउन शुरु गर्छ ।” उनले भने ।

    अरु दल जस्तो नेकपाले आफ्ना कमीकमजोरी र बिकृती विसंगती लुकाउने नभई उजागर गरी रुपान्तरीत हुने हुँदा कोही व्यक्ति बिग्रदैमा नेकपा नबिग्रने उनले जिकिर गरे । नेकपाले समाजवादको सपना पूरा गर्ने बताउदै उनले सबै बामपन्थीलाई गोलबन्द गरी नेकपा अघि बढ्ने बताए ।

    भक्तपुरमा रहेको नेमकिपालाई पनि साथमा लिएर अघि बढ्नुपर्ने बताउदै संगठन बिभाग उपप्रमुख शर्माले भने, ”बामपन्थी आन्दोलनमा योगदान गरेको पार्टी भक्तपुरमा बेग्लै बसेको छ । यसलाई पनि साथमै लिएर भक्तपुरलाई बामपन्थीको किल्ला बनाउनुपर्छ ।”

    नेकपाले आफ्ना ८ लाख सदस्यको हातमा औजार थमाएर अब आर्थिक समृद्धिको नेतृत्व गर्ने खुलासा गर्दै नेता शर्माले देशको सार्वभौमसत्ता , अखण्डता र आर्थीक सामाजिक रुपान्तरणका लागि नेकपाले आन्दोलन अघि बढाउने समेत बताए ।

    उक्त अवसरमा उम्मेदवार डीपी ढकालले नगरकोटमा प्रकृतीले पनि सूर्यलाई पहिलो बनाएको भन्दै जनताले चुनावमा सूर्यलाई पहिलो बनाउनेमा आफूलाई कुनै शंका नरहेको जिकिर गरे । आफू हरिशरण लामिछानेको पदचाप पछ्याउदै जनताको सेवामा इमान्दार भएर लागिरहने उनले प्रतिवद्धता प्रकट गरेका थिए ।

    कार्यक्रममा भक्तपुर २ का निर्वाचित सांसद तथा नेकपा केन्द्रीय सदस्य महेश बस्नेत, अर्का केन्द्रीय सदस्य एवं चाँगुका मेयर सोम मिश्र, जिल्ला इन्चार्ज दिलिप प्रजापति, अध्यक्ष बचन देउजा लगायतले हत्केलाले सूर्य छेक्न नसक्ने भन्दै अन्य दलका भ्रम र झुटको पछि जनता नलाग्ने जिकिर गरेका थिए ।
    उक्त अवसरमा अन्य पार्टी परित्याग गरी २० जना नेकपामा प्रवेश गरेका थिए ।

    प्रतिकृया दिनुहोस्

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...