News Portal

  • भक्तपुरमा चुनावी सभाको सम्बोधन गर्दै : प्रचण्ड, देउवा र नारायणमान

    भक्तपुर, ११ मङ्सिर
    ७८१ पटक
    भक्तपुर, ११ मङ्सिर

    भक्तपुरको निर्वाचन क्षेत्र नम्बर १ (क) मा रहेका दलहरु आउँदो मङ्सिर १४ गते हुने प्रदेश सभाको उपनिर्वाचनको अन्तिम प्रचार प्रसारमा जुटेका छन् ।

    शनिबार हुने उपनिर्वाचनको प्रचार प्रसार गर्ने आज अन्तिम रहेको छ । आज राति १२ बजेसम्म मात्र प्रचार प्रसार गरिनेछ । त्यसैले दलहरु अन्तिम प्रचारमा जुटेका हुन् ।

    आज चाँगुनारायण नगरपालिका–४ नारायणटारमा नेपाल कम्युनिस्ट पार्टीको चुनावी सभालाई अध्यक्ष पुष्पकमल दाहाल र नेता सुवास नेम्वाङले सम्बोधन गर्ने कार्यक्रम हुँदैछ । कार्यक्रम दिउँसो २ बजे सुरु हुनेछ ।

    यस्तै भक्तपुरमा कांग्रेस र राप्रपा को संयुक्त चुनावी सभा पनि रहेको छ ।

    कांग्रेस सभापति शेरबहादुर देउवाले आज चाँगुनारायण नगरपालिका–७, मा दिउँसो पार्टीको चुनावी सभामा सम्बोधन गर्नेछन् ।

    यसैगरी प्रचार प्रसारको अन्तिम दिन भएकोले नेपाल मजदुर किसान पार्टीले पनि आजै चुनावी सभा गर्दैछ । सभालाई अध्यक्ष नारायणमान बिजुक्छेंले सम्बोधन गर्ने कार्यक्रम रहेको छ । सो कार्यक्रम कमलबिनायकमा दिउँसो ३ बजे सुरु हुनेछ ।

    निर्वाचनलाई प्रभाव पार्न प्रमुख दलका वरिष्ठ नेताहरु नै खटिएका छन् । नेकपाले अध्यक्ष प्रचण्ड र नेपाली काँग्रेसले सभापति देउबा ल्याउने भनेपनि उनीहरु उपत्यका बाहिर रहेकाले सभालाई सम्बोधन गर्न आउने सम्भावना भने न्युन रहेको बताइएको छ

    यस प्रदेशबाट ९ दलका ९ उम्मेदवार र १० स्वतन्त्र उम्मदेवार गरी कूल १९ जना चुनावी मैदानमा छन् ।

    सत्तारुढ नेकपाबाट देवीप्रसाद ढकाल(डीपी ढकाल) , नेपाली कांग्रेसबाट कृष्णलाल भँडेल, नेमकिपाबाट निरज लवजु, समाजवादी पार्टीबाट सुदर्शन मुनकर्मी, राप्रपाबाट श्यामप्रसाद नेपाल, साझा पार्टीबाट सुरज प्रधान लगायतका २१ जना उम्मेदवारले प्रदेश सभा सदस्य पदमा उम्मेद्वारी दर्ता गराएका छन् । उम्मेदवारी दर्ता गराएका कतिपय स्वतन्त्र उम्मेदवार भने गुमनाम देखिएका छन् । उनीहरु प्रचारप्रसारमा समेत निस्किएका छैनन् ।

    प्रतिकृया दिनुहोस्

    भक्तपुरमा तात्यो माओवादी केन्द्र : एकैदिन पाँच वडाका कार्यक्रम, ताथलीमा नयाँ कमिटी

    भक्तपुरमा नेपाल कम्युनिष्ट पार्टी (माओवादी केन्द्र)ले आफ्नो सांगठनिक गतिविधि बढाएको छ । केपी ओली सरकार...

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...