News Portal

  • आम निर्वाचनको भन्दा भक्तपुरमा कम मत खस्यो : मतगणनाको तयारी हुँदै

    भक्तपुर, १४ मङ्सिर
    १००२ पटक
    भक्तपुर, १४ मङ्सिर

    भक्तपुरको निर्वाचन क्षेत्र नम्बर १ अन्तर्गत प्रदेश क्षेत्र नम्बर १ मा प्रदेश सभा सदस्य पदका लागि भएको उपनिर्वाचनका लागि मतदान कार्य सम्पन्न भएको छ । शनिवार विहान ७ बजे शुरु भएको मतदान बेलुकी ५ बजे सम्पन्न भएको हो ।

    मुख्य निर्वाचन अधिकृतको कार्यालयले जनाए अनुसार यस मतदानमा करिब ७० प्रतिशत मात्र मत खसेको छ । कूल ४५ हजार १५ मतदाता रहेकोमा करिब ३२ हजार मात्र मत खसेको बताइएको छ ।

    अघिल्लो आम निर्वाचनको भन्दा यस उपनिर्वाचनमा मतदाताको उत्साह कम देखिएको छ । यस अघि ७५.२५ प्रतिशत मत खसेको थियो । यस अघि कूल ३८ हजार ९ सय ७६ मतदाता रहेकामा २९ हजार ३ सय ३१ मत खसेको थियो ।

    यस प्रदेश निर्वाचन क्षेत्रमा चाँगुनारायण नगरपालिकाका सबै वडा र भक्तपुर नगरपालिकाको वडा नम्बर १० का मतदाताले मतदान गरेका छन् । चाँगुनारायणमा ४० हजार ३ सय १० मतदाता रहेकामा करिब २९ हजार र भक्तपुर-१० मा ४ हजार ७ सय ५ मतदाता रहेकामा करिब ३ हजार मत मात्र परेको छ ।

    २२ मतदान स्थल रहेको उपनिर्वाचनमा मतदान स्थलबाट मतपेटिका खरिपाटीस्थित बिद्युत प्राधिकरणको तालिम हलमा ल्याइएको र आजैबाट मतगणना शुरु हुने भक्तपुरका सिडिओ नारायण भट्टले जानकारी दिए ।

    आम निर्वाचनमा विजयी प्रदेश सभा सदस्य हरिशरण लामिछानेको मस्तिष्काघातका कारण निधन भएपछि भक्तपुरमा शनिबार उपनिर्वाचन भएको हो।

    यस अघि स्वर्गीय हरिशरण लामिछानेले १२ हजार ७ सय ८९ मत ल्याएर विजयी भएका थिए । लामिछानेले वामगठबन्धनको आधिकारिक उम्मेदवार डीपी ढकाल विरुद्ध वागी उम्मेदवारी दिएका थिए। पछि एमाले र माओवादी केन्द्रले केन्द्रीय तहमै सहमति गरेर लामिछानेको उम्मेदवारीलाई गठबन्धनको उम्मेदवारीको मान्यता दिएका थिए। अहिले उपनिर्वाचनमा उनै ढकाल नेकपाका उम्मेदवार रहेका छन् ।

    त्यतिबेला लामिछानेका निकटतम प्रतिद्वन्द्वी नेपाली कांग्रेसका जीवन खत्रीले ९ हजार ९ सय ७४ मत ल्याएका थिए भने ७ हजार १९ मत ल्याएर नेमकिपाका निरज लवजू तेस्रो भएका थिए ।

    यस उपनिर्वाचनमा भने ९ दलका र १० स्वतन्त्र गरी १९ उम्मेदवार चुनावी मैदानमा छन् ।  यस पटक पनि मूख्य प्रतिष्पर्धा भने नेकपा उम्मेदवार डीपी ढकाल, नेपाली काँग्रेसका कृष्णलाल भडेल र नेमकिपाका निरज लवजू बीच नै हुने अनुमान गरिएको छ ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...