News Portal

  • जनताको राजनीतिक चेतनास्तर खस्कियो : अध्यक्ष बिजुक्छे

    इभक्तपुर संवाददाता
    ८५१ पटक

    नेपाल मजदुर किसान पार्टीका अध्यक्ष नारायणमान बिजुक्छेँ (रोहित) ले जनताको राजनीतिक चेतनास्तर खस्किँदै गएकोमा चिन्ता व्यक्त गरेका छन् । जनताले निर्वाचनमा राजनीतिक र बैचारीक रुपले योग्य उम्मेदवार छान्न नसकेको भन्दै उनले उक्त चिन्ता व्यक्त गरेका हुन् ।

    शुक्रवार भक्तपुर नगरपालिकाद्वारा सञ्चालित ख्वप इन्जिनियरिङ कलेजको १८ औं र ख्वप कलेज अफ इन्जिनियरिङको ११ औं वार्षिकोत्सव एवम् शैक्षिक प्रदर्शनीको उद्घाटन कार्यक्रममा बोल्दै उनले राजनैतिक शिक्षा बाँड्नुको सट्टा झुटो आश्वासन र पैसाको लोभ देखाएर निर्वाचन जित्ने बाहेक दलहरुसंग कुनै भिजन नभएको आरोप लगाए । जनता झुक्याउने काम शासक दलहरूबाटै भइरहेको र जनता पनि सजिलै झुक्कीरहेको उनको भनाइ छ ।

    अर्थतन्त्रमा स्वतन्त्र नभएको देश राजनीतिक रुपमा पनि स्वतन्त्र नहुने विचार व्यक्त गर्दै अध्यक्ष बिजुक्छेले देशलाई भारत र अमेरिकाले आफ्नो अधिनमा राख्न खोजेको भन्दै आपत्ति प्रकट गरे ।

    सरकारका बस्ने सबै नेताहरुलाई कुन रोग लागेको छ र को कहिले मर्ने वा बाच्ने भन्ने कुरा पनि उनीहरुकै अधिनमा रहेको नेता बिजुक्छेले बताए ।

    लिम्पियाधुरा, लिपुलेक र कालापानीको विवादबारे सरकारले अन्तर्राष्ट्रिय अदालतमा मुद्दा उठाउनुपर्ने  जिकिर गर्दै उनले समाजवादी देश क्युवाको शिक्षा र स्वास्थ्य क्षेत्रबाट नेपालले धेरै कुराहरू सिक्नुपर्ने आवश्यकता औल्याए ।

    उक्त अवसरमा कार्यक्रमका सभापति एवं कलेज व्यवस्थापन समितिका अध्यक्ष समेत रहेका भक्तपुर नगरपालिकाका प्रमुख सुनिल प्रजापतिले नगरपालिकाद्वारा सञ्चालित कलेजहरू अनुसन्धानको केन्द्रको रुपमा विकास गरी कलेजहरूलाई् विश्वविद्यालयको रुपमा अगाडि बढाउन नगरपालिका प्रयत्नशील रहेको बताएका थिए ।

    भक्तपुर नगरबासी जनताले तिरेको कर र आन्तरिक स्रोतबाट स्थापना भएको ख्वप इन्जिनियरिङ कलेजले देशभरका विद्यार्थीहरूलाई सस्तो र गुणस्तरीय इन्जिनियरिङ शिक्षा प्रदान गरिरहेको उनको भनाइ छ ।

    कार्यक्रममा प्रदेश नं. ३ प्रदेशसभा सदस्य सुरेन्द्रराज गोसाई,भक्तपुर नगरपालिकाका उपप्रमुख रजनी जोशीले,नेपाल इन्जिनियरिङ परिषद्का उपाध्यक्ष अर्नराज सिलवाल,इन्जिनियरिङ अध्ययन संस्थान, परीक्षा सहायक डीन प्रा.डा. ज्ञानबहादुर थापा,महानगरीय प्रहरी परिसर भक्तपुरका प्रहरी उपरीक्षक सबिन प्रधान,ख्वप इन्जिनियरिङ कलेजका प्राचार्य सुजन माक र ख्वप कलेज अफ इन्जिनियरिङका प्राचार्य सुनिल दुवाल लगायतले मन्तब्य राखेका थिए ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...