News Portal

  • साविकको टक्सार कार्यालयमा संग्रहालय स्थापना गर्ने योजना

    भक्तपुर, ११ पुस
    १०६६ पटक
    भक्तपुर, ११ पुस

    राष्ट्रिय पुनर्निर्माण प्राधिकरणले संग्रहालय बनाउने भएको छ । प्राधिकरणले ०७२ को भूकम्पका स्मृतिहरूलाई जोगाउने उद्देश्यले संग्रहालय बनाउन लागेको हो ।

    साविकको टक्सार कार्यालय (राष्ट्र बैंक) पुनर्निर्माण सम्पन्न भएलगतै त्यसको दुई तल्लामा संग्रहालय स्थापना गर्ने योजना रहेको प्राधिकरणले जनाएको छ ।

    संग्रहालय निर्माणको लागि डिजाइनको काम सम्पन्न भइसकेको प्राधिकरणका प्रमुख कार्यकारी अधिकृत (सीईओ) सुशील ज्ञवालीले जानकारी दिए । उनका अनुसार, यो संग्रहालय भूकम्पको त्रास भोग्नु नपरेको नयाँ र भावी पुस्ताका लागिसमेत एक पाठशाला हुनेगरी निर्माण गरिनेछ । भूकम्पपछिको अवस्था, उद्दार र राहतमा खटिएका दृश्य र प्रमाणहरू संग्रहालयमा रहनेछन् ।

    भूकम्पपछिको चार वर्षमा धेरै मानिसका लागि यसको त्रासदी अतित बनिसक्यो । संग्रहालयले भूकम्प जति बेला पनि आउन सक्छ, जस्तोसुकै विनाश निम्याउन सक्छ भनेर जनतालाई चनाखो बनाइराख्ने विश्वास पनि लिइएको छ ।

    संग्रहालयमा नेपालले भूकम्पपछि पुनर्निर्माणमा कसरी काम गर्‍यो भन्ने जानकारी दिनेगरी सामग्रीहरू राखिने भएको छ । संग्रहालयबाट बाहिर निस्किएपछि १२ वैशाख ०७२ को भूकम्प, त्यसको त्रास, त्यसबाट उत्रन गरिएको प्रयासबारे सम्पूर्ण जानकारी हुने सीईओ ज्ञवालीले बताए ।

    नेपालसँग १९९० सालको भूकम्प र यसले पारेको क्षतिबारे धेरै अभिलेख उपलब्ध छैनन् । त्यसपछिका साना–ठूला भूकम्पका अभिलेख पनि भेटिँदैनन् । ०७२ को भूकम्पको अभिलेख अभाव नहोस् भनी विभिन्न योजना अगाडि सारिएको प्राधिकरणले जनाएको छ । सोही योजना अनुसार इन्जिनियरिङ अध्ययन संस्थानमा अन्तर्राष्ट्रियस्तरको भूकम्प अनुसन्धान केन्द्र स्थापना गरिने भएको छ ।

    संग्रहालय तथा अनुसन्धान केन्द्रको संस्थागत दिगोपनका लागि केन्द्रीय तहमा राष्ट्रिय विपद् व्यवस्थापन प्राधिकरण, विभिन्न मन्त्रालय र स्थानीय तहमा स्थानीय समुदाय र स्थानीय सरकारहरूसँगको सहकार्यलाई जोड दिइने छ ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...