News Portal

  • प्रधानमन्त्री ओलीकाे नयाँ खुलासा : भगवान राम भारतमा नभई नेपालमै जन्मिएका

    भक्तपुरपोस्ट संवाददाता भक्तपुर, २९ असार
    २६९१ पटक
    भक्तपुर, २९ असार

    प्रधानमन्त्री केपी शर्मा ओलीले भगवान कहलिएका राम भारतमा नभई नेपालमा जन्मिएका नयाँ खुलासा गरेका छन् । भारतले नेपाली संस्कृतिमाथि थिचोमिचो गरेर नक्कली अयोध्या खडा गरेको उनको दावी छ ।

    सोमबार प्रधानमन्त्री निवास बालुवाटारमा आदिकवि भानुभक्त आचार्यको २०७ औं जन्मजयन्तीको अवसर पारेर आयोजित एक कार्यक्रममा प्रधानमन्त्री ओलीले यस्तो दावी गरेका हुन् । “हामीले सीतालाई अयोध्याका राजकुमारलाई दिएका हौं, जुन वीरगञ्जभन्दा अलि पश्चिमपट्टि अवस्थित थियो” प्रधानमन्त्री ओलीले भने ।

    राजा दशरथले सन्तान नभएपछि पुत्रेष्टी यज्ञकालागि रिडीबाट पण्डित ल्याएको तथ्यले पनि अयोध्या नेपालमै भएको पुष्टि हुने उनको तर्क छ । ”रिडी यहि छ, बाल्मिकी आश्रम यहि छ अनि अयोध्या भारतमा कसरी हुन्छ ?’ उनले भने ।

    अहिलेको अयोध्या निकै टाढा रहेको र त्यो समयमा जनकपुरसम्म आएर विवाह गर्नु सम्भव नरहेको भन्दै उनले अयोध्या भारतको नभएको र राम पनि भारतीय नरहेको जिकिर गरे । भौतिक पूर्वाधार र सञ्चारको सुविधा नभएको त्यो युगमा भारतको अयोध्याबाट विवाह गर्न राम जनकपुर आएको अपत्यारिलो तथ्य भएको भन्दै प्रधानमन्त्री ओलीले भारतले नेपाली संस्कृतिमाथि थिचोमिचो गरी नक्कली अयोध्या खडा गरेको र रामलाई आफ्नो भनेको अभिव्यक्ति दिए ।

    हिमवत्खण्ड नै ज्ञानको स्रोत रहेको भन्दै प्रधानमन्त्री ओलीले जनकपुर ज्ञान केन्द्र रहेको, नारायणीको सुरम्य किनारमा बाल्मीकिको आश्रम भएको, कोशी तटमा कौशिकी ऋषि रहेका, आयुर्वेदका प्रणेता धन्वन्तरी र चरक यहींका भएका भन्ने तथ्यले नेपाल ज्ञानभूमि, तपोभूमि भएको भन्ने बुझिने बताए ।हिमवत्खण्डमै रामको जन्म भएको र भारतमा अयोध्याबारे धेरै बिबाद रहेको कारण पनि भगवान राम नेपाली भएको उनको तर्क छ ।

    प्रतिकृया दिनुहोस्

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...

    सल्लाघारीमा जारी महोत्सवमा दैनिक हजारौको भीड, किनमेल र मनोरन्जन नै मुख्य आकर्षण

    सल्लाघारीस्थित १०८ रोपनी मैदानमा जारी ८ औं भक्तपुर औद्योगिक साँस्कृतिक पर्यटन तथा व्यापार महोत्सव धुमधामका...

    बागमती प्रदेशको महिला चालक उत्पादन कार्यक्रम भक्तपुरबाट शुरु

    बागमती प्रदेशमा महिला लक्षित रोजगार कार्यक्रम अन्तर्गत महिला सवारीचालक उत्पादन प्रक्रिया शुरु गरिएको छ ।...