News Portal

  • २२ औं राष्ट्रिय भूकम्प सुरक्षा दिवसको मूल कार्यक्रम भक्तपुरमा हुने

    भक्तपुर १३ पुस
    ८०० पटक
    भक्तपुर १३ पुस

    २२ औं राष्ट्रिय भूकम्प सुरक्षा दिवसको मूल राष्ट्रिय कार्यक्रम भक्तपुरमा हुने भएको छ । २२ वर्ष अघिदेखि माघ २ गते आयोजना गरिंदै आएको राष्ट्रिय भूकम्प सुरक्षा दिवस यस वर्ष भक्तपुरमा हुने भएको हो ।

    आइतबार गृहमन्त्रालयमा राष्ट्रिय भूकम्प सुरक्षा दिवस २०७६ मूल समारोह समितिको बैठकबाट २२ औं राष्ट्रिय भूकम्प सुरक्षा दिवसको मूल राष्ट्रिय कार्यक्रम भक्तपुरमा गर्ने निर्णय गरिएको गृह श्रोतले बताएको छ । त्यतिमात्र होइन, समितिले सो को जिम्मा भक्तपुर नगरपालिकालाई दिएको जानकारी प्राप्त भएको छ ।

    ”गृहमन्त्री रामबहादुर थापा ‘बादल’को अध्यक्षतामा सम्पन्न मूल समारोह समितिले २२ औं राष्ट्रिय भूकम्प सुरक्षा दिवस माघ २ गते भक्तपुरको दरबार क्षेत्रमा गर्ने र सो कार्यक्रमको जिम्मा भक्तपुर नगरपालिकालाई दिने निर्णय गरेको छ ।” भक्तपुर नगरपालिकाकी प्रेस संयोजक कीर्तिका प्रजापतिले पुष्टि गरिन् ।

    आइतवार सम्पन्न बैठकमा गृहमन्त्री रामबहादुर थापा ‘बादल’ ले ७२ सालको महाभूकम्प गएको ४ वर्ष बितिसक्दा पनि पुनःनिर्माण सन्तोषजनक हुन नसकेकोप्रति चिन्ता प्रकट गरेका थिए । भूकम्प लगायतका विपद्बाट जनतालाई सुरक्षित पार्ने प्रमुख दायित्व राज्यको भएको बताउँदै राज्यले आफ्नो दायित्वलाई पूरा गर्न सम्पूर्ण शक्ति लगाउने उनको भनाइ छ ।

    उक्त अवसरमा काठमाडौं महानगरपालिकाका प्रमुख विद्यासुन्दर शाक्य लगायतले भुकम्पपछिको पुन:र्निमाणको अवस्थाबारे प्रकाश पारेका थिए भने भक्तपुर नगरपालिकाका प्रमुख सुनिल प्रजापतिले भक्तपुरमा पुनर्निमाणको अवस्था सन्तोषजनक रहेको बताए । ११६ वटाभन्दा बढी क्षतिग्रस्त सम्पदाहरुमध्ये भक्तपुर नगरपालिकाले ९१ वटा सम्पदा पुनःनिर्माणको काम सम्पन्न गरिसकेको र बाँकी पनि द्रुत गतिमा काम भैरहेको उनको दावी छ । भक्तपुर नगरपालिकाद्वारा सञ्चालित कलेजमार्फत प्रत्येक वर्ष भूकम्प दिवस मनाइरहेको अवगत गराउदै उनले भक्तपुरमा आयोजना हुने २२ औं राष्ट्रिय भूकम्प सुरक्षा दिवस भव्यरुपमा सम्पन्न गर्ने प्रतिवद्धता प्रकट गरे ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...