News Portal

  • भक्तपुर खरिपाटीका बासिन्दाको प्रश्न, ‘हावाले कोरोना भाइरस ल्यायो भने के गर्ने ?’

    भक्तपुरपोष्ट संवाददाता२८ माघ २०७६
    ६०५ पटक
    २८ माघ २०७६

    भक्तपुर । कोरोना भाइरसबाट अति प्रभावित चीनको हुबे प्रान्तबाट उद्धार गरी ल्याइने नेपालीहरूलाई काठमाण्डू उपत्यकाका विभिन्न चार स्थानमा ‘क्वारन्टीन’ मा राख्ने सरकारको योजना छ । भक्तपुरको खरिपाटीस्थित नेपाल विद्युत् प्राधिकरणस्थित तालिम केन्द्रसहित ती स्थानमा पूर्वाधार निर्माण तथा सरसफाइको काम भइरहेको स्वास्थ्य मन्त्रालयका अधिकारीहरूले जनाएका छन् ।

    तर खरिपाटीका स्थानीयवासीले सरकारले आफ्नो ठाउँमा “बिना जनचेतना” कोरोना भाइरसको प्रकोप भएको क्षेत्रबाट आएका मानिसलाई ल्याएर राख्न लागेको भन्दै असन्तुष्टि व्यक्त गरेका छन् । चीनमा मानिसहरूको मृत्यु भइरहेको बाहेक कोरोनाभाइरसबाट कसरी जोगिने भन्ने आफूलाई थाहा नभएको उनीहरू बताउँछन् ।

    स्थानीयवासी भवानी काफ्ले भन्छिन् -‘चुप लागेर ल्याएर थन्क्याएको भए के ल्यायो, कहाँबाट ल्यायो, के रोग हो ?  हामीलाई थाहा हुँदैनथ्यो । यस्तो भयानक रोग फैलिदै छ, भनेर डर र त्रास फैलाइदिने अनि सर्दैन पनि भन्ने ?’घरकै छेउमा ल्याएर राखिदिएपछि बोल्दा पनि हावाले लाने उनको भनाइ छ ।

    आफुहरुलाई डर लागिरहेको उनले बताइन् ।

    स्थानीय चन्द्रलक्ष्मी प्रजापति भन्छिन्, -‘उनीहरुमा रोग नभए त ठीकै हो तर रहेछ भने त एकजनाबाट सबैमा सर्ने भयो नि ।’अर्की स्थानीय गंगा लामिछाने भन्छिन् -‘उनीहरु पनि नआए कहाँ जाउन, आए रोग सर्ने डर भो ।’हामी घरभित्रै लुकेर बस्न मिल्दैन अनि कसरी बाच्ने त ?उनले प्रश्न गरिन् । ‘मान्छे त थुनिएला, तर बस्तुभाउलाई त खान दिनु प¥यो नि ।’ उनले भनिन् ।

    तपाइहरु नडराउनुस् केही परे हामी छौं भनेर आजसम्म कोही नआउनु अचम्म छ स्थानीय गंगाप्रसाद श्रेष्ठले भने ।

     

     

    प्रतिकृया दिनुहोस्

    सभामुखको पहलपछि सरकारी तलब भत्ता सरकारी बैंकबाट

    अब सांसदले तलबभत्ता सरकारी बैंकबाट पाउने भएका छन् । संसद सचिवालयले केही महिनायता पहल गरेर...

    नर्वे सेनामा नेपाली युवाको प्रवेश

    नेपालका ८ युवा नर्वे सेनामा भर्ती भएका छन् । नर्वे सेनामा नेपाली युवाको प्रवेश यो...

    पत्रकार मोहन बल्ललाई मातृशोक

    नेपाल पत्रकार महासंघ, भक्तपुरका निवर्तमान कोषाध्यक्ष एवं श्रमजिवी पत्रकार मोहन बल्ललाई मातृशोक परेको छ ।...

    मुआब्जा र क्षतिपूर्ति न्यायोचित तवरले उपलव्ध गराउन मन्त्री भुसालको निर्देशन

    उर्जा, जलश्रोत तथा सिंचाई मन्त्री पम्फा भुसालले विभिन्न आयोजना निर्माणका लागि आवस्यक पर्ने जग्गा अधिग्रहण...

    शिरमा देश र मनमा मधेश : प्रदेश प्रमुख अहिराजका १२ काम

    rajesh ahiraj

    प्रदेश २ का प्रदेश प्रमुख डा.राजेश अहिराजले शिरमा देश र मनमा मधेश राखेर काम गरिरहेको...