News Portal

  • सरकारले भक्तपुर खरिपाटीका त्रसित स्थानीयका लागि घरदैलो अभियान गर्दै

    भक्तपुरपोष्ट संवाददाता६ फागुन २०७६
    ६२१ पटक
    ६ फागुन २०७६

    काठमाडौं । सरकारले चीनको कोरोना प्रभावित क्षेत्रबाट ल्याइएका १ सय ७५ जना नेपाली राखिएको भक्तपुरको खरिपाटीस्थित क्वारेन्टाइन क्षेत्रमा  घरदैलो अभियान शुरु गरेको छ । खरिपाटीमा क्वारेन्टाइन स्थल बनाउन शुरु गर्दादेखि नै आफूहरुमा भाइरसको संक्रमण फैलिने त्रासमा स्थानीयले विरोध गरीरहेकाले जिल्ला प्रशासन कार्यालय भक्तपुरले घरदैलो अभियान शुरु गरेको हो ।

    प्रमुख जिल्ला अधिकारी होमकला पाण्डेको नेतृत्वमा सहायक प्रमुख जिल्ला अधिकारी दिलीप लामिछाने, महानगरीय प्रहरी परिसर भक्तपुरका प्रहरी उपरीक्षक सविन प्रधान, नेपाली सेना वीरदल गणका गणपति महासेनानी शिव पौडेल, सशस्त्र प्रहरी गुहेश्वरी गण दुवाकोटका सशस्त्र प्रहरी उपरीक्षक विश्वराज भट्टराईलगायत संयुक्त सुरक्षाकर्मीको टोली यतिबेला भक्तपुरको स्थानीयको घर–घरमा पुगेर कोरोना भाइरसको विषयमा सचेतनामूलक अभियान गरीरहेका छन् ।

    घरदैलो अभियानमा खटिएकाहरुले खरिपाटी, बाँसघारी क्षेत्रका बासिन्दालाई कोरोना भाइरसको जोखिम न्यूनीकरण, बच्ने उपाय र क्वारेन्टाइनमा रहेका नेपालीको सुरक्षित अवस्थाका बारेमा जानकारी गराउँदै हिडेको छ ।

    स्थानीय सरकारले खरिपाटी क्षेत्रका बासिन्दामा कोरोनाको त्रास कम गराउन स्थानीयकै लागि छुट्टै हेल्थ डेस्क समेत स्थापना गरिएको छ ।खरिपाटी क्षेत्रका स्थानीयका लागि राखिएको हेल्थ डेस्कमा दैनिक निःशुल्क स्वास्थ्य जाँच एवं औषधि वितरणको व्यवस्था समेत गरिएको छ ।

    चीनको उहानबाट फर्काएर खरिपाटीस्थित क्वारेन्टाइनमा राख्दा सङ्क्रमणको त्रासले स्थानीयवासीले घर छाड्न थालेपछि सरकारले स्थानीयवासीलाई त्रासबाट मुक्त बनाउन र दैनिक जीवनयापनमा सहज बनाउन घरदैलो अभियान शुरु गरिएको महासेनानी शिव पौडेलले बताए ।सरकारले आफुहरुलाई सचेतना नै नदिइ क्वारेन्टाइन स्थाल बनाउदा आफुहरु त्रासमा रहेको स्थानीय राजाराम भण्डारीले बताए ।

    सरकार आफैँले यहाँका बासिन्दालाई आतङ्कित बनायो, लुकेर क्वारेन्टाइन बनाउँदा यो समस्या आएको हो, शुरुमै यहाँका जनतालाई तथ्य कुरा जानकारी गराएको भए, चेतना अभिवृद्धि गरेको भए र स्थानीयवासीसँग बेलाबेलामा अन्तरक्रिया गरेको भए कुनै पनि विरोध आउँदैनथ्यो,’ भण्डारीले भने, ‘अब घरदैलो कार्यक्रम दिएर ढिलै भनेपनि सचेतना दिन आउनुभएको छ । स्थानीयको त्रास अब कम हुन्छ ।’

    सरकारले खरिपाटीका स्थानीयलाई सचेतना अभियान शुरु गरेपछि यसअघि बिरोध जनाएका स्थानीयहरु खुसी भएका छन् । सरकारले चीनको उहानबाट उद्धार गरेर ल्याएका १ सय ७५ जनालाई खरिपाटीस्थित नेपाल विद्युत् प्राधिकरणमा बनाइएको क्वारेन्टाइनमा राखेको छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...