News Portal

  • ३ वटा शिलान्यास गर्दै सांसद बस्नेतले भने : जता हेर्यो उतै विकाश

    भक्तपुरपोस्ट संवाददाता भक्तपुर, ५ चैत
    ४२३ पटक
    भक्तपुर, ५ चैत

    पूर्व उद्योगमन्त्री तथा प्रतिनिधि सभाका सांसद महेश बस्नेतले एकैदिन ३ वटा आयोजनाको शिलान्यास गरेका छन् । बुधवार उनले सांसद कोषको बजेट उपयोग हुनेगरी ३ आयोजनाको शिलान्यास गरेका हुन् ।

    उनले रु २५ लाख लागतमा निर्माण हुने सूर्यविनायक ९ स्थित तल्लो खत्री गाउँ देखी ट्रष्ट पुल जाने बाटोमा सिँढी निर्माणको शिलान्यास गरे भने सोही वडाको पर्यटकीय स्थलको रुपमा रहेको सूर्यमोडमा २० लाखको लागतमा बन्ने सामुदायिक भवन शिलान्यास गरे । त्यसैगरी सांसद बस्नेतले रु २० लाखको लागतमा पाण्डुबजार गेट निर्माण कार्यको समेत शुभारम्भ गरे । उक्त तीन वटै आयोजनाहरु आगामी आर्थिक वर्षभित्रमा सम्पन्न गर्ने लक्ष्य राखिएको उनका स्वकीय सचिव दिनेश थापाले जानकारी दिए ।

    उक्त अवसरमा सांसद बस्नेतले भक्तपुरलाई बिकाशको मोडेलको रुपमा प्रस्तुत गर्ने आफ्नो प्रयास रहेको जिकिर गर्दै भक्तपुरले समग्र बिकाशको लिड गर्ने बताए ।”भक्तपुरभरी विकासको बाढी नै आएको छ । सडक, खानेपानी, ढल, शिक्षा, स्वास्थ्यलगायतका क्षेत्रमा आमुल परिवर्तन हुँदै गएको छ । पलाँसे–डोलेश्वर सडक कालोपत्रे सम्पन्न हुने तयारीमा रहेको, डोकेखोला–त्रिवेणी खोलालागतका ठाउँहरुमा ठूला साना गरी १६ वटा पुलहरु निर्माण तथा उद्घाटनको चरणमा रहेका छन् । जता हेर्यो उतै विकाश देख्न सकिन्छ ।” सांसद बस्नेतले बताए ।
    ”विकास भक्तपुरमा मात्र भएको हैन, मुलुकभर भएका छन् । भक्तपुरमा केही मात्रामा अलि बढी भएका छन् तर विकासले मुलुकभर व्यापकता छाएको छ । सरकारले विकाश निर्माणको क्षेत्रमा फड्को मारेको छ ।” उनले भने ।

    उक्त अवसरमा सांसद बस्नेतले सूर्यविनायक धुलिखेल सडकलाई ६ लेनको बनाउने प्रकृया अघि बढिसकेको जानकारी गराउँदै बाटो बिस्तार संगै अवसरहरु खुल्ने दावी गरेक थिए । अरनिको राजमार्गमा हुने दुर्घटना न्युनिकरण, अपराधिक गतिविधि न्युनिकरण सुरक्षित सडक अवधारणा अघि सारिएको भन्दै उनले सुरक्षित अरनिको राजमार्ग बनाउने अभियानमा सबै एक भएर लाग्नुपर्ने आवस्यकता समेत औल्याए ।

    प्रतिकृया दिनुहोस्

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...

    बिजुक्छेसंग उत्तर कोरियाली राजदुतले खोले आन्तरिक कुरा

    नेपालका लागि प्रजातान्त्रिक जनगणतन्त्र कोरियाका राजदूत जो योङ मानले आफ्नो देशको आणविक शक्तिबारे अवगत गराएका...