News Portal

  • सूर्यविनायकका मेयरद्वारा घरभाडा मिनाहाकाे घाेषणा

    भक्तपुरपोस्ट संवाददाता सूर्यविनायक,२२ चैत
    ११७४ पटक
    सूर्यविनायक,२२ चैत

    सूर्यविनायक नगरपालिकाका मेयरले घर बहालमा बस्नेलाई घर भाडा मिनाहाको घोषणा गरेका छन् । मेयर बासुदेव थापाले शनिवार सामाजिक संजाल मार्फत यस्तो घोषणा गरेका हुन् ।

    उनले नगरभित्र भाडामा रहनेका लागि भने सो घोषणा गरेका होइनन् । सूर्यविनायक नगर प्रमुख थापाले काठमाडौं महानगरपालिका ३१ स्थित आफ्नो ब्यक्तिगत घरमा भाडा लिएर बस्नेहरु सबैसंग भाडा नलिने बताएका हुन् । उनले आफ्नो घरकाे ६ फल्याट भाडामा लगाएका छन् जसमा ६ परिवार बसिरहेका छन् । ”उनीहरु सबैसंग चैत्र महिनाको घरभाडा नलिने निर्णय गरेको हुँ।” मेयर थापाले भने । घर वहालमा बस्नेहरुको घरभाडा नलिनु भन्ने नेपाल सरकारको सुझावलाई समर्थन गर्दै आफूले यस्ताे घोषणा गरेकाे उनले बताएका छन् ।

    नगर प्रमुख थापाले आफ्नो नगर भित्रका घरधनीले समेत घर बहालमा बस्नेकाे भाडा मिनाहा गर्ने बिस्वास ब्यक्त गरे । विश्वब्यापी महामारीकाे रुपमा फैलिएकाे काेराेना भाइरसको प्रकोपको बेलामा सक्नेले सेवाभाव बढाउनुपर्ने उनकाे भनाइ छ । ”घरधनीका पनि आफ्ना समस्या होलान्, सक्नेलाई याे बेला मन खाेलेर सहयाेग गर्न र घरभाडा नलिन म अनुराेध गर्छु ।” भक्तपुर पोस्टसंग उनले भने ।

    नगर प्रमुख थापाले लकडाउनका कारण दैनिक ज्यालादारी गर्ने मजदुरले खान नपाउने समस्या सूर्यविनायकमा नरहने समेत जिकिर गरे । ”हामीले उहाँहरुकाे लिस्टिङ गरी राहतको पोका वितरण गरिरहेका छौं । पर्सीसम्म छ हजार मजदुरलाई हामी राहत पुर्याउछौं ।” उनले भने । प्रमुख थापाका अनुसार राहतको प्रत्येक पोकामा चामल, दाल, चिउरा,नुन, तेल, मस्याैरा, साबन लगायतका सामान रहेकाे छ । ”हामीले दिइरहेको राहतले ४ जनाको परिवारलाई कम्तिमा पन्ध्र दिन खान पुग्छ ।” मेयर थापाले जानकारी गराए ।

    प्रतिकृया दिनुहोस्

    मुआब्जा र क्षतिपूर्ति न्यायोचित तवरले उपलव्ध गराउन मन्त्री भुसालको निर्देशन

    उर्जा, जलश्रोत तथा सिंचाई मन्त्री पम्फा भुसालले विभिन्न आयोजना निर्माणका लागि आवस्यक पर्ने जग्गा अधिग्रहण...

    शिरमा देश र मनमा मधेश : प्रदेश प्रमुख अहिराजका १२ काम

    rajesh ahiraj

    प्रदेश २ का प्रदेश प्रमुख डा.राजेश अहिराजले शिरमा देश र मनमा मधेश राखेर काम गरिरहेको...

    अपि पावर कम्पनी लिमिटेडको शेयर आजदेखि लिलाममा

    अपि पावर कम्पनी लिमिटेड ले हकप्रद निष्काशन गर्दा बिक्रि नभएको सेयर आज साउन १३ गतेदेखि...

    Chinese Democracy Develops Living Standard

    The definition of democracy It is said that democracy is the system of governance for...

    महन्थको राजनीती धरापमा

      निर्वाचन आयोगले जनता समाजवादी पार्टी (जसपा) को आधिकारिकता उपेन्द्र यादव पक्षलाई दिएको छ ।...