News Portal

  • फुटबल खेल्दा खुट्टा भाच्चिएर अस्पताल पुगेका थिए मुलाछेंका संक्रमित : डाक्टर पनि क्वारेन्टाइनमा

    हिना सुवाल / भक्तपुरपोस्ट भक्तपुर, ४ असार
    ३०१३ पटक
    भक्तपुर, ४ असार

    भक्तपुर नगरपालिका वडा नम्बर ६ का एक स्थानीय युवकमा कोरोना पोजेटिभ देखिएपछि जनजीवन प्रभावित भएको छ । संक्रमितसंग कुनै कन्ट्याक्ट हिस्ट्री नभएका स्थानीय युवकमा कोरोना भाइरस संक्रमण पुष्टि भएसंगै मानिसहरु त्रसित बनेका छन् । संक्रमण पुष्टि भएका युवकमा कोरोनाको कुनै लक्षण बिना नै संक्रमण पुष्टि भएको हो ।

    फुटबल खेल्दा खुट्टा भाच्चिएपछि उपचारका लागि भक्तपुर अस्पताल पुगेका करिब २२ वर्षीय युवकमा कोरोना भाइरस संक्रमण पुष्टि भएको हो । सोमबार अस्पताल भर्ना भएका उनी कोरोनाको शंकास्पद बिरामी नरहेको र कुनै लक्षण समेत नदेखिएकाले भक्तपुर अस्पतालले उनको खुट्टाको प्लास्टर लगायत आवस्यक उपचार समेत गरेको थियो । अस्पतालले निश्चिन्त हुन उनको स्वाब लिएर टेकु पठाएको थियो । बुधवार साँझ पिसिआर रिपोर्टमा कोरोना पोजेटिभ देखिएपछि उनलाई राती करिब १ बजे नै पाटन अस्पताल पुर्याइएको भक्तपुर नगरपालिकाका प्रमुख सुनिल प्रजापतिले जानकारी गराए ।

    प्रमुख प्रजापतिका अनुसार वडा नम्बर ६ स्थित संक्रमित युवकको घर भएको चोछें मुलाछें क्षेत्रलाई सिल गरिएको छ भने कन्ट्याक्ट ट्रेसिंगको कार्य समेत सम्पन्न भैसकेको छ ।

    वडा नम्बर ६ का वडाध्यक्ष हरिराम सुवालले भक्तपुर पोस्ट संग कुरा गर्दै मुलाछेंका करिब ३० घरलाई सिल गरिएको बताए । सुवालका अनुसार संक्रमित युवकसंग घुलमिल गरेका उनका परिवारका छ जना सदस्य, उनका ११ जना साथीहरु र समुदायका थप केहि सदस्यलाई सेल्फ क्वारेन्टाइनमा राखिएको छ । क्वारेन्टाइनमा राखिएका व्यक्तिहरुलाई खानेकुरा लगायत अत्यावस्यक सामाग्री पुर्याउने व्यवस्थाका लागि अहिले वडा कार्यसमितिको बैठक बसिरहेको समेत अध्यक्ष सुवालले जानकारी गराए । वडामा संक्रमण देखिएकाले थप सावधान हुन समेत उनले भक्तपुर पोस्ट मार्फत वडावासीलाई अनुरोध गरेका छन् ।

    उपचारमा आएका युवकमा संक्रमण पुष्टि भएपछी भक्तपुर अस्पतालका चिकित्सक समेत क्वारेन्टाइनमा रहेका छन् । उपचारमा संलग्न चिकित्सकको टोलीले पिपिई लगाएर उपचारमा संलग्न भएको भएतापनि निचिन्तताको लागि उपचारमा संलग्न टोलीलाई क्वारेन्टाइनमा राखिएको अस्पताल व्यवस्थापन समितिका अध्यक्ष मिलन सुवालले जानकारी गराए ।

    प्रतिकृया दिनुहोस्

    प्रधानमन्त्री ओलीकाे नयाँ खुलासा : भगवान राम भारतमा नभई नेपालमै जन्मिएका

    प्रधानमन्त्री केपी शर्मा ओलीले भगवान कहलिएका राम भारतमा नभई नेपालमा जन्मिएका नयाँ खुलासा गरेका छन्...

    तराइ क्षेत्र डुबानमा पर्नुमा भारतको हात : गृहमन्त्री थापा

    गृहमन्त्री रामबहादुर थापा बादलले प्रत्येक वर्षामा तराइ क्षेत्र डुबानमा पर्नुमा भारतको हात रहेको बताएका छन्...

    छोरीलाई एक नम्बरमा उर्तीण गराउन खोज्ने अधिकृतमाथि कारबाही हुने

    छोरीलाई परीक्षामा एक नम्बरमा उर्तीण गराउन खोज्ने लोक सेवा आयोगको अधिकृतमाथि कारबाही हुने भएको छ...

    अभियुक्तलाई छुटाइदिने भन्दै पैसा बार्गेनिङ्ग गर्ने पत्रकार पक्राउ

    प्रहरी हिरासतमा रहेका अभियुक्तलाई छुटाइदिने भन्दै पैसा बार्गेनिङ्ग गर्ने पत्रकार पक्राउ परेका छन् । बाराका...

    यातायात कार्यालयका कारण नपलीका स्थानीय आन्दोलित

    भक्तपुर नगरपालिका वडा नम्बर १ नपलीका स्थानीय आन्दोलित भएका छन् । यहाँस्थित यातायात व्यवस्था सेवा...