News Portal

  • नेपाल भारत सम्बन्ध बिगार्ने नेकपाको नागरिकता सम्बन्धि निर्णय स्वीकार्य छैन : राजपा

    भक्तपुरपोस्ट संवाददाता भक्तपुर, ७ असार
    ६७९ पटक
    भक्तपुर, ७ असार

    राष्टिय जनता पार्टी नेपालले नागरिकता प्राप्ति सम्बन्धी सत्तारुढ नेकपाको निर्णयप्रति विरोध जनाएको छ । आइतवार एक बिज्ञप्ति जारी गर्दै राजपाले उक्त निर्णय आफूलाई अस्वीकार्य भएको बताएको हो ।

    राजपा संघीय संसदीय दलका नेता महन्त ठाकुरको नेतृत्वमा आइतवार बसेको उक्त पार्टीका सांसदहरुको बैठकले रोटीबेटीको सम्बन्धलाई ठेस पुर्याउने निर्णय स्वीकार्य नभएको निष्कर्ष निकालेको हो । बिदेशी महिलाले नेपाली पुरुष संग बिबाह गरेको ७ वर्ष पछि मात्र नागरिकता पाउनुपर्ने नेकपाको निर्णयले नेपाल भारत सम्बन्धमा असर पार्ने उक्त दलको दावी छ ।

    ”बिबाहको सम्बन्धका आधारमा नागरिकता पाउने प्रचलित व्यवस्थाको बिपरित गरिएको यस निर्णयले नेपाल भारत बीच सदियौं देखि रहँदै आएको सामाजिक सास्कृतिक तथा बिहाबारीको सम्बन्धलाई आघात पुर्याउने निश्चितै छ ।” नेता महन्थ ठाकुर द्वारा प्रेसित बिज्ञप्तिमा भनिएको छ ।

    यस्तो निर्णयले सामाजिक सद्भावमा समेत खलल पुग्ने जिकिर गर्दै राजपा नेपालले आफ्नो निर्णय मा पुनर्विचार गर्न समेत नेकपासंग जोडदार माग गरेको छ ।

    यसैगरी राजपाका अध्यक्ष समेत रहेका नेता ठाकुरले आइतवार अर्को एक विज्ञप्तिमार्फत भारत तथा चीन विच रहेको सिमामा तनाव यो सम्पूर्ण क्षेत्रको लागि चिन्ता र चासोकोे विषय रहेको बताएका छन् ।

    दुई पक्षिय दुर्भाग्यपूर्ण झडपमा भएको जिउ धन तथा भौतिक क्षति अपूर्णिय रहेको ठहर गर्दै झडपमा ज्यान गुमाउने २० भारतिय सैनिकहरु प्रति श्रद्धाञ्जलि तथा सैनिकहरुको परिवारका सदस्यहरु संग सहानुभूतीसमेत प्रकट गरेका छन् ।

    उनले भनेका छन्,” हामी विश्वस्त तथा आशावादी छौं कि दुवै पक्षमा रहेको मतभिन्नता सकारात्मक वार्तालाप मार्फत मैत्रीपूर्ण ढङले सार्थक समाधानमा पूग्ने छ ।”

    याे पनि

    सत्तारुढ नेकपा सचिवालयको निष्कर्ष : ७ वर्षपछि मात्र बिदेशी बुहारीलाई नागरिकता

     

    प्रतिकृया दिनुहोस्

    भक्तपुरमा तात्यो माओवादी केन्द्र : एकैदिन पाँच वडाका कार्यक्रम, ताथलीमा नयाँ कमिटी

    भक्तपुरमा नेपाल कम्युनिष्ट पार्टी (माओवादी केन्द्र)ले आफ्नो सांगठनिक गतिविधि बढाएको छ । केपी ओली सरकार...

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...