News Portal

  • प्रेम सम्बन्ध नै पासोमा परिणत भएपछि २४ वर्षीया युवतीले गरिन् आत्महत्या

    भक्तपुरपोस्ट संवाददाता भक्तपुर, १० असार
    २३४ पटक
    भक्तपुर, १० असार

    प्रेम सम्बन्ध नै पासोमा परिणत भएपछि अन्तत: एक युवतीले आत्महत्याको बाटो रोजेकी छन् भने पूर्वप्रेमी भनिएका युवक प्रहरी फन्दामा परेका छन् । पूर्वप्रेमीले चरीत्र हत्या गराएपछि युवतीले आत्महत्या गरेकी हुन् ।

    यो खबर बिराटनगरको हो । अनलाइन आवरबिराटनगरका अनुसार विराटनगरमा एक २४ वर्षीया युवतीले आत्महत्या गरेकी छन् । उदयपुरको बेलका नगरपालिका–२ घर भई विराटनगर महानगरपालिका–३ बस्दै आएकी श्वेता पोखरेलले आइतबार साँझ झुण्डिएर आत्महत्या गरेकी हुन् ।

    असार १४ गते बिबाह गर्ने गरी सोमबार फूलमाला (इन्गेजमेन्ट) गर्ने कार्यक्रम तय भएकोमा पूर्वप्रेमीले चरित्रहत्या गरिदिएपछि आइतवार साँझ नै श्वेताले आत्महत्या गरेको खबर छ ।

    विराटनगरमा डेरामा बस्दै आएकी श्वेता महेन्द्र मोरङ क्याम्पसमा अध्ययनरत रहेको बताइएको छ । उनी शौर्य बचत तथा ऋण सहकारी संस्थामा काम पनि गर्थिन् । युवतीका पूर्व प्रेमी र युवती एउटै क्याम्पसमा अध्ययनरत रहेको प्रहरीको अनुसन्धानमा खुलेको छ ।

    पूर्व प्रेमीले विहे गर्न नमानेको र परिवारका कारण श्वेताको अर्कै केटा सँग विवाह हुनलागेको थाँहा पाएपछि उनका प्रेमी सविन पराजुलीले उनी सँगैका तस्वीहरु बाहिर ल्याउँदै तनाब दिएको खुलासा भएको छ ।

    युवतीकोे विहे हुन लागेका युवकले पूर्व प्रेमी रहेको थाँहा पाएपछि विवाहका लागि आनाकानी गर्न थालेकाले युवती तनावमा रहेको खुलेको छ ।

    पूर्व प्रेमीले विवाह भाँड्न खोज्दा श्वेताले आत्म हत्या गर्न वाध्य भएको प्रहरीको अनुसन्धानले बताएको छ ।

    श्वेताकी बहिनी सरिताले प्रहरीमा किटानी जाहेरी दिएकी छन् । जाहेरीका आधारमा सविनलाई मंगलबार पक्राउ गररे आत्महत्या दुरुत्साहनको मुद्दा चलाउन म्याद थप गरी अनुसन्धान अघि बढाएको प्रहरीले जनाएको छ ।

    प्रहरीको अनुसन्धानको निष्कर्ष पनि पूर्वप्रेमीले गरेको हर्कतका कारण अन्ततः युवतीले आत्महत्याको बाटो रोजेको खुलेको आवर बिराटनगरका लागि नवराज कट्टेल र प्रेम देवानले खबर लेखेका छन् ।

    प्रतिकृया दिनुहोस्

    प्रधानमन्त्री ओलीकाे नयाँ खुलासा : भगवान राम भारतमा नभई नेपालमै जन्मिएका

    प्रधानमन्त्री केपी शर्मा ओलीले भगवान कहलिएका राम भारतमा नभई नेपालमा जन्मिएका नयाँ खुलासा गरेका छन्...

    तराइ क्षेत्र डुबानमा पर्नुमा भारतको हात : गृहमन्त्री थापा

    गृहमन्त्री रामबहादुर थापा बादलले प्रत्येक वर्षामा तराइ क्षेत्र डुबानमा पर्नुमा भारतको हात रहेको बताएका छन्...

    छोरीलाई एक नम्बरमा उर्तीण गराउन खोज्ने अधिकृतमाथि कारबाही हुने

    छोरीलाई परीक्षामा एक नम्बरमा उर्तीण गराउन खोज्ने लोक सेवा आयोगको अधिकृतमाथि कारबाही हुने भएको छ...

    अभियुक्तलाई छुटाइदिने भन्दै पैसा बार्गेनिङ्ग गर्ने पत्रकार पक्राउ

    प्रहरी हिरासतमा रहेका अभियुक्तलाई छुटाइदिने भन्दै पैसा बार्गेनिङ्ग गर्ने पत्रकार पक्राउ परेका छन् । बाराका...

    यातायात कार्यालयका कारण नपलीका स्थानीय आन्दोलित

    भक्तपुर नगरपालिका वडा नम्बर १ नपलीका स्थानीय आन्दोलित भएका छन् । यहाँस्थित यातायात व्यवस्था सेवा...